PANGARATAION 32:35 - BIBEL JAMITA NA DENGGAN

³⁵ Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

PANGARATAION 32:35 ပူးပေါင်းရင်းမြစ်များ

PAMUNGKAAN 4:23

Mandok hata ma si Lamekh tu angka dadaborunia i, “Ho Ada dohot ho Zila, tangihon tuson! Humatehon do sada doli-doli hara ni na nihantamnia au.

2 SAMUEL 22:48

Ia do na mamolus hajahatan ni musungku, jana na manaluhon angka bangso di jolongku.

2 RAJA-RAJA 9:7

Roncohononmu ma sisolkot ni tuanmu si Ahab. Songon i ma panguhumingKu di si Isebel na mamatehon angka panurirangKu dohot angka naposongKu na asing i.

MASMUR 94:1

Ale Debata, Ho do Debata na mambaloskon, patuduhon ma pamalosonMi ale Debata!

HARURUAR 32:34

Tapi anggo ho kehe ma saonnari manogu-nogu bangso i tu inganan na dung Hupaboa tu ho; mardalan do surusuruanKu di jolomu; tapi di ari pamalosonKi baloskononKu ma tu bangso i dosa ni halahi i.”

PODA 4:19

Sabalikna, anggo dalan ni halak na jahat golap do songon golap ni borngin. Tinggang ma halahi nada dibotosa sanga hara ni aha.

JESAYA 13:22

Marauang angka anjing harangan dohot sorigala sian palas-palas ni bagas siomagodangna dohot sian bagas ni Babel. Dapot ne ma hatihana, jana umurna nada dipaginjang.”

JESAYA 5:19

Didok hamu, “Haru diompoti Tuhan Debata Na Badia ni Israel i ma nian patuluskon sangkapNia i anso taboto sanga aha maksudNia.”

JESAYA 60:22

Salang ripe na menek jana na bile, gabe godang ma jana markuaso. Au ma da Tuhan; manigor baenonKu ma tindakan, muda dung dapot hatiha na tumbuk.”

JESAYA 8:15

Bahat do halak na giot tartuktuk dohot na mabugang. Julung tu bagasan tirangkap noma halahi.”

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JEREMIA 20:11

Tapi Ho do ale Tuhan donganku; na sun gogo do Ho boti barani. Muli madabu jana abis gogo do halahi angka na manyompiti ngolungku. Maila ma halahi sapanjangna sundat ma sude sangkapna. Paingot-ingoton ma samatua habileon ni halahi sudena.

JEREMIA 23:12

Hara ni i, mangalandit jana manggolap noma dalan ni halahi lopus tartuktuk halahi jana tinggang. ParoonKu ma hamamago tu halahi, muda dung dapot hatihana laho manguhumi halahi. Au Tuhan, madung mandok songon i.

JEREMIA 51:56

Ro do halahi laho manyegohon Babel, manangkupi angka tentarana lalu manipul-nipul angka sinjatana. Au ma da Tuhan na manguhumi hajahatan jana baenonKu ma tu Babel hombar tu pambaenanna.

JEREMIA 6:21

BaenonKu ma dalanna anso tartuktuk angka jolma on lalu tinggang. Ama dohot dakdanakna, dongan maradu hombar bagasna marmara noma.”

JEREMIA 8:12

O hamu bangsongKu, patut nian maila ma hamu hara ni sude halayason na dung nibaenmunu on! Hape hapal do bohimunu jana nada mamboto hahaila. Jadi hara ni i angkon madabu hamu songon halak na asing na dung madabu i; abis ma riwayatmunu muda dung Huuhumi hamu. Au Tuhan, madung mandok songon i.”

JEHESKIEL 7:5

Songon on ma pandok ni Tuhan Debata, “Ligi ma, mardapot-dapot noma parmaraan!

HOSEA 13:12

“Madung dibungkus hasalaan ni Efraim, jana disimpan do dosana i.

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

NAHUM 1:2

Nada ra Tuhan Debata marimbang, sanga ise na mangalo Ia, ingkon dapot uhuman. Di parpiar ni murukNa, tu halahi, dibaloskon Ia pambaenanna be.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

SURAT NI SI PAULUS TU PARLAGUTAN ROM 12:19

Hamu ale angka dongan na nihaholongan! Ulang ma hamu sandiri na mambaen pambaloson, tapi lehen ma inganan tu hamumuruk ni Debata. Angke tarsurat do, “Au do mambaen pambaloson,” ninna Tuhan.

SURAT NI SI PAULUS TU PARLAGUTAN ROM 13:4

Angke pangoloi ni Debata do pamarenta, na markarejo parohon na denggan tu hamu. Tapi muda dibaen hamu na jat, angkon gabe mabiar ma hamu tu pamarenta, harana nada sayang boti pamarenta i maroban podangna. Suruan ni Debata do i mandabu uhum tu halak na mambaen na jahat.

PANGARATAION 32:43

Pasangap ma bangso ni Tuhan i, hamu ale angka bangso, sude na mamunu halahi uhumonNa do. PalaluonNa hosom tu musuna tapi ampunanNia do anggo dosa ni bangsoNa.”

IBRANI 10:30

Angke taboto do sanga ise na mandok songon on, “Au do nampuna pamaloson, Au do na giot mambaen pamaloson!” Jana na mandok muse, “Uhuman ni Tuhan ma bangsoNa.”

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.