PANGARATAION 32:30 - BIBEL JAMITA NA DENGGAN

³⁰ Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

PANGARATAION 32:30 ပူးပေါင်းရင်းမြစ်များ

1 RAJA-RAJA 14:16

Tadingkonon ni Tuhan noma Israel hara ni na dung mardosa si Jerobeam jana patundania gabe mardosai muse halak Israel.”

2 RAJA-RAJA 7:5

Jadi dung mamungka samon ari, kehe ma halahi tu parbandaran ni halak Siria i, hape umpe sahalak diida halahi disi.

1 JUJUR TAON 12:14

Adong do deba na sian Marga Gad i angka perwira tinggi na mangapalai saribu halak; na deba nari angka perwira na somal ma halahi na mangapalai saratus halak.

2 JUJUR TAON 24:24

Hapengani saotik sajo do tentara ni Siria, tapi dipadiar Tuhan ditaluhon halahi tentara ni Juda i na dao umbahat bilanganna, hara ni na so dirohahon halak Juda be Tuhan, Debata ni ompu ni halahi. Songon i ma dibaen Tuhan manguhum Raja Joas.

JOB 11:10

Muda ditangkup Ia ho jana ditogu tu paruhumanNia, gabe ise ma na puluk mangambatisa?

JOB 16:11

Dipasahat Debata do iba tu tangan ni na so hasaya; didabu muse tu tangan ni na so marguna.

MASMUR 31:8

Nada dipadiar Ho au ditangkup musungku, tapi dijagohon Ho do au gabe sonang.

MASMUR 44:12

Digadis Ho ma bangsoMi, argana pe so sadia, songon na so adong astuan ni halahi bagi na aha.

JESAYA 30:17

Hum mida sada halak tentara ni musu pe, maporus ma hamu saribu halak, jana lima halak pe tentara ni halahi diida hamu, tuk ma i mambaen maporus hamu sudena. Na tading sian tentaramunu hum sada tiang ni mandera noma di ginjang ni puncut ni dolok.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JESAYA 52:3

Didok Tuhan ma tu bangsoNia, “Nada margarar hamu digadis, jadi saonnari pe nada margarar hamu dipalua.”

HAMALIMON 26:7

Taluhononmunu ma musumunu.

HAMALIMON 26:8

Lima pe sian hamu tarbaen mangalo saratus, jana saratus tarbaen mangalo sampulu ribu.

MATEUS 18:25

nada targararsa be utangna i. Jadi didok raja i ma anso nigadis bayo i rap dohot sude halahi na sabagas dohot sude sinadongannia laho manggarar utangnia i.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

JOSUA 23:10

Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i.

HAKIM-HAKIM 2:14

Jadi muruk ma Tuhan tu bangso Israel, jana dipadiar Tuhan ma angka pangarampok mangarampas dohot manaluhonsa, lopus nada taralo halahi be angka musuna i.

HAKIM-HAKIM 3:8

Gabe muruk ma Tuhan tu halak Israel jana dipadiar halahi talu jana dirajai Raja Kusan Risataim na sian Mesopotamia salapan taon honokna.

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.