PANGARATAION 32:25 - BIBEL JAMITA NA DENGGAN

²⁵ Parporangan mambaen marmatean di dalan-dalan, na di bagas pe didondoni habiaran. Naposo nauli bulung jagar-jagar ni bangso ma giot mate na baru sorang, na maradu tobang pe nada dia imbarna be.

PANGARATAION 32:25 ပူးပေါင်းရင်းမြစ်များ

2 RAJA-RAJA 7:5

Jadi dung mamungka samon ari, kehe ma halahi tu parbandaran ni halak Siria i, hape umpe sahalak diida halahi disi.

2 JUJUR TAON 36:17

Digorakkon Tuhan ma roha ni raja ni Babel anso mamorangi halahi. Dibunu raja i ma doli-doli ni halak Juda, dohot ma i na di bagasan Bagas Ni Debata. Sada halak pe nada adong na ibo rohania midasa, na matobang sanga na poso, halaklahi sanga dadaboru, na marnyae sanga na horas. Dipasahat Debata do halahi sudena tu raja ni Babel i.

JESAYA 30:16

Hape so ra hamu! Mur mambaen tahi do hamu laho maporus sian musumunu manengget kudo na hipas, marlojong do hamu tutu jana mago. Didok hamu muse do, “Giot tenggetonnami do kuda na gogo,” hape gumogo dope angka na mangkojar hamu.

JEREMIA 44:7

Jana di hatiha on, marsapa do Tuhan Na Markuaso i, Debata ni Israel sanga hara ni aha umbaen dipatupa hamu pangalaho na jahat sisongon i maradopkon dirimunu. Adong he na giot timpashononmunu sude jolma – halaklahi, dadaboru, angka dakdanak dohot na baru sorang – anso ulang adong be na teba sian bangsomunu?

JEREMIA 44:8

Biasi sai mangalap-alapi hamu anso muruk Au? Ro hamu jana maringanan di Mesir on, lalu marsomba hamu tu gana-ganaan jana mamelehon haul tu angka debata ni luat on! Biasi ra hamu mangalapi hamamagomunu? Giotmunu ma he marlayas baenon ni bangso na satano on jana goarmunu pakeonna gabe bura?

JEREMIA 9:21

Ma pola masuk hamatean sian jandela, madung manyaroso tu bagasan bagas godang; disaroso angka dakdanak di angka dalan songon i muse angka na poso di alaman.

ANDUNG 1:20

O ale Tuhan! Parrohahon ma au, sak do rohangku jana mabiar; magopu hara ni dosangku. Di angka dalan masa mamunu jolma di bagasan bagas, jolma marmatean muse ma.

ANDUNG 4:4

Nada dipasusu be dakdanak na menek, gabe mate nguasan ma. Mangido mangan angka dakdanak, tapi nada adong mangalehensa.

JEHESKIEL 7:15

Di angka dalan na di kota marbadai jolma, di angka bagas ro nyae masa dohot na tangkuraparon. Sanga ise na di balian ni kota mate di bagasan parbadaan noma i, jana na tinggal di kota gabe mate baenon ni nyae noma i dohot tangkuraparon.

HOSEA 11:6

Mangararati ma parporangan lopus tu angka kota ni halahi, bungkaron ma angka pintu horbangan jana abiskononna ma bangsongKi. Patunda ni na paihut-ihut giotna sandiri ma umbaen na tarjadi sudena i;

HOSEA 9:12

Tapi haru pe adong dakdanak na sorang jana na dipagodang-godang, buatonKu do halahi; sahalak pe nada Hupaloas mangolu. Marjaya ma hamu ale bangso Israel, muda jabat Hutadingkon hamu!”

HOSEA 9:16

Songon suan-suanan na so marbatu, jana na mahiang uratna, tudos tusi do anggo Israel. Nada adong untunganna tapi haru pe adong dakdanak ni halahi, bunuonKu do angka dakdanak haholongan ni halahi i.”

HAMALIMON 26:25

ParoonKu ma parporangan laho manguhum hamu, angke madung dilaosi hamu aturanKu, dung i muda marlagut hamu di kotamunu manjalahi paronding-ondingan, paroonKu ma tu hamu nyae na so haubatan gabe tunduk hamu tu musumunu.

MIKA 6:14

Mangan ma hamu, tapi nada marnabutong – mur tongtong noma malean. Angkatonmunu ma angka barang-barang, tapi nada tarjagohon hamu; sanga aha na nijagohonmunu roncohononKu ma i di bagasan parporangan.

2 KORINTUS 7:5

Di na lalu pe hami tu Makedonia, laing so marnamantak do hasusaan sian hami. Dihaliangi hasusaan do hami; parsalisian sian pihak na asing dohot biar ni roha sian hami sandiri.