PANGARATAION 32:22 - BIBEL JAMITA NA DENGGAN

²² Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.

PANGARATAION 32:22 ပူးပေါင်းရင်းမြစ်များ

MASMUR 144:5

Ale Tuhan, buka ma langitMi jana mijur ma Ho, goit ma angka dolok i anso martimus.

MASMUR 21:9

Dibaen Ho do halahi songon api na marjembur-jembur, dihatiha dipataridahon Ho diriMu, ale Tuhan. Abis ma halahi baenon ni muruk ni Tuhan, bope baenon ni api na mambaen marmosokan.

MASMUR 46:2

Gabe nada mabiar hita, haru pe humutur portibi on, dohot angka dolok marbonoman tu tandolan ni laut.

MASMUR 83:14

Songon api na mambaen gor harangan, jilam ni api na mangabiskon angka dolok.

MASMUR 86:13

Hara ni godangna holong ni rohaMu na manongtong i di au, madung dipalua Ho au sian liang ni kuburan.

MASMUR 97:3

Mangararati api di joloNia, abis marmosokan, musu na humaliang Ia.

JESAYA 24:6

I ma dalanna umbaen diburai tano on jana diuhumi pangisina hara ni pangalaho ni halahi. Dipurun ma halahi jana hum saotik nari noma sian halahi na malua.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

JESAYA 54:10

Muncat pe angka dolok jana humutur dohot tor, tapi holong ni rohangKu nada muncat sian ho, jana janji hadameonKu nada morot sian ho,” ninna Tuhan, na manghaholongi ho.

JEREMIA 15:14

Giot baenonKu noma halahi gabe hatoban ni musu ni halahi di tano na asing na so ditanda ni halahi, angke madung gurgur murukKu songon api na marjimbur-jimbur jana na so ra mintop.”

JEREMIA 17:4

Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

ANDUNG 2:2

Ganop kota na adong di Juda, dironcohon Ia nada adong ibo ni roha. Angka benteng na mangondingi luat i dionjarkon Ia lopus marumpahi. Didabuhon Ia lopus marbile noma harajaan i dohot angka pamimpinna.

ANDUNG 2:3

Di bagasan parpiar ni murukNa, gogo ni Israel diponggolkon Ia. Taran ro musu mangaroro, nada ringkot rohana mangalehen pangurupiNia. Songon api na manggasa-gasa mangabisi sasudena, songon i ma Tuhan muruk tu Israel.

ANDUNG 2:4

Songon musu i, marmetar Ia manembakkon anak ni pana, jana dipaadop tu hita. Sude jolma na pasonang rohanta, abis hona bunu dibaen Ia. Dibursikkon Ia hamuruhonNia i tu bagasan kota Sion songon api.

ANDUNG 4:11

Palalu hosom ma Tuhan tu Sion, kotaNa i disurbu Ia lopus mangornop tu tano i.

JEHESKIEL 19:12

Hape diumpat tangan na muruk ia lalu disampakkon tu tano noma. Mangombus ma alogo Habincaran, mambaen malos batuna taran hajegesanna. Masopak dangkana i gabe mahiang lalu nitutungan.

JEHESKIEL 22:21

PalagutonKu ma halahi di Jerusalem, pagaraonKu api ni rimasKu di toru ni halahi, lopus malala halahi sudena.

JEHESKIEL 36:5

hara ni i songon on ma didok Tuhan Debata: Di bagasan piar-piar ni murukKu do Au mangalo angka bangso, jana mangalo sude halak Edom, na manontuhon tanongKu gabe nampunania di bagasan jop ni roha dohot incak-incak, ujungna nampunania noma tanongKu jana abis dirampas.

JEHESKIEL 38:19

Jana di bagasan parpiar ni murukKu ondamonKu ma, paboa di ari i, ro lalo na gogo di tano Israel.

HAMALIMON 26:20

Sude halojaonmu nada adong gunana, angke tanomunu nada marsuha, jana suan-suananmu nada marbatu.

AMOS 5:6

Mulak ma hamu tu Tuhan, gabe mangolu ma hamu. Muda nada mulak hamu tuSia, ro ma Ia songon api na manutung lopus abis halak Israel. Panganon ni api i ma sudena halak na maringanan di Betel, jana nada adong sanga ise pe na tarbaen mangintopisa.

AMOS 7:4

Huida muse ma sada nari parnidaan sian Tuhan Debata i. Huida ma Ia hatiha markobas laho manguhumi bangsoNia i dohot api. Abis ma laut na di toru ni tano didilat api i jana mamungka ma angka luat dipangan api.

MIKA 1:4

Malala do angka dolok di toru ni patNia tudos tu lilin di bagasan api na gara; madencur angka dolok i lalu tu rura, songon aek di tor na marsasak tu lombang.

HABAKUK 3:10

Hum mangida Ho munggal-unggal ma angka dolok sian langit udan songon na durus dibaen por. Aek na di toru ni tano gumadobur sorana ombakna i marbalun-balun jana manggasa-gasa.

ZEPANYA 1:18

Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

ZEPANYA 3:8

Hara ni i painte ma Au – ninna Tuhan – di ari harorongKu jadi saksi. Harana haputusanKu i ma papunguhon angka bangso dohot harajaan anso Huusehon rimasKu na marapi purun, harana sude tano angkon abis dibaen api ni pangiburuonKu.

BILANGAN 16:33

Dung i masuk ma halahi mangolu-olu di inganan ni halak na mate dohot sude arta ni halahi. Tano i pe martutup mangulahi di ginjang ni halahi, mago ma halahi.

BILANGAN 16:35

Diparo Tuhan i muse ma api na marjembur laho manutung na 250 halak na manutung hamonyan i.

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MATEUS 18:9

Dung i muda hara ni matamu do ho gabe mardosa, pulsikkon ma i ambungkon matami. Gumonan do mangolu ho sada mata ulang pado disampakkon ho tu api narako laing disi matami na dua i.”

MATEUS 23:33

O hamu angka ulok, panipu do hamu! Tar bia be baenonmunu paluahon dirimunu sian uhuman na di narako i?

PANGARATAION 29:20

Nada ra Tuhan mangampuni jolma na songon i. Tapi rimas ni Tuhan na marpiar-piar do manutung halakna i jana ampe ma sude parmaraan na tarsurat di bagasan buku on tusia, lopus abis ia baenon ni Tuhan.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

IBRANI 12:29

Angke songon api na mangabiskon do tutu anggo Debatanta i.