PANGARATAION 32:20 - BIBEL JAMITA NA DENGGAN

²⁰ Didok ma, ‘Nada parduli Au di halahi, bangso sijogal roha na so setia i.’

PANGARATAION 32:20 ပူးပေါင်းရင်းမြစ်များ

2 RAJA-RAJA 17:18

jana nada dipardulihon be halahi, tapi diambungkon noma halahi sian tano na nilehen ni Tuhan tu halahi. Hum harajaan Juda noma na tinggal.

2 RAJA-RAJA 17:20

Nada giot Tuhan be sude halak Israel. Diuhum Ia noma halahi jana dipasahat Ia tu angka musu ni halahi ma jungkat, jabat nada diparrohahon be halahi, tapi dibuang noma halahi sian tano na nilehenNia di halahi.

2 RAJA-RAJA 17:23

Lopus di ujungna nada diparrohahon Tuhan be halahi, tapi diambungkon noma halahi sian tano na nilehenNa di halahi. Tulus do i tarjadi laing songon na nipaingotkon ni Tuhan markite-hite angka naposoNia i, i ma angka panurirang. Songon i ma halak Israel dioban tu habuangan di Asur jana disi ma halahi tinggal lalu tu sadari on.

2 JUJUR TAON 20:20

Ancogotna i sogot sajo dope, ruar ma rayat i jana kehe ma halahi tu luat halongonan na di lambung ni Tekoa. Di na laho kehe halahi, jolo didok si Josafat ma sipaingot songon on, “Hamu angka rayat ni Juda dohot Jerusalem! Porsaya ma hamu tu Tuhan Debatamu, gabe margogo ma hamu martahan. Jagit hamu ma angka sipaingot sian panurirangmunu, gabe manjadi ma hamu!”

JOB 13:24

Biasi mandao jana sumisi Ho sian au? Hara ni aha umbaen dietong Ho au musuMu?

JOB 34:29

Muda diputuskon roha ni Debata manghohom Ia, nada adong sahalak pe manggagaisa. Muda ditabunihon Ia bohiNia, nada adong be sanga ise na marsuohonsa.

JESAYA 30:9

Hara ni na sai mangalo halahi tu Debata, sai margabus, jana nada jungada ra manangihon pangajaran ni Tuhan.

JESAYA 64:7

Nada adong na martangiang tu Ho, sanga pe pangurupionMu dipangido. Dibaen dibunihon Ho bohiMu sian hami, dipadiar Ho hami diago dosanami sandiri.

JESAYA 7:9

Samaria i ma kota sabungan ni Efraim, anak ni si Remalya ma rajana. Muda nada porsaya hamu, bagi na bia pe nada martahan hamu.”

JEREMIA 18:17

Songon abu na niombuskon ni alogo Habincaran, songon i ma giot paserahonKu bangsongKi di jolo ni musuna, muda ro parmaraan, giot hudukkononKu noma halahi jana nada urupanKu halahi. Sanga na bia pe, nada urupanKu be halahi!”

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

HOSEA 9:12

Tapi haru pe adong dakdanak na sorang jana na dipagodang-godang, buatonKu do halahi; sahalak pe nada Hupaloas mangolu. Marjaya ma hamu ale bangso Israel, muda jabat Hutadingkon hamu!”

MATEUS 17:17

Dialusi Jesus ma, “O hamu angka angkatan na so porsaya jana na lilu, angkon sadia honok Au rap dohot hamu? Angkon sadia honok nari Au sobar paida-ida hamu? Oban ma tuson dakdanak i!”

MARKUS 9:19

Dung i didok Jesus ma tu halahi, “O hamu angka pomparan na so porsaya, angkon sadia honok nari Au rap dohot hamu? Intap ni andigan angkon sobar Au paida-ida hamu? Oban ma dakdanak i tuson!”

LUKAS 18:8

Hudok ma di hamu! Manigor belaonNia do parkaro ni halahi! Tapi laing adong dope he haporsayaan di portibi on saulahon muda ro Anak Ni Jolma i.”

PANGARATAION 31:29

Huboto do, muda dung marujung ngolungku, marjahati ma angka jolma jana tulakkononna ma sanga aha na dung huajarkon tu halahi. Di pudian ni ari, ampe ma parmaraan tu halahi, patunda ni na mangalapi muruk ni Tuhan marhite na mambaen na nilarangNia.”

PANGARATAION 32:5

Tapi anggo hamu, i ma sada bangso na sai marroha mago, na so patut gabe bangsoNa, na gok akal busuk dohot dosa.

PANGARATAION 9:23

Dung i di na nisuru ni Tuhan hamu mardalan sian Kades-Barnea, jana diparentahon mardalan dohot mamorangi tano na giot silehenon ni Tuhan tu hamu, mangalo do hamu tu Tuhan, nada ra hamu porsaya sanga mangoloi tuSia.

2 TESSALONIKA 3:2

Tangiangkon hamu muse ma anso laing malua hami sian angka halak na jahat dohot na so ture. Angke nada sudena halak ra mangkaporsayai jamita na sian Tuhan i.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.

JOSUA 23:10

Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i.