PANGARATAION 32:15 - BIBEL JAMITA NA DENGGAN

¹⁵ Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

PANGARATAION 32:15 ပူးပေါင်းရင်းမြစ်များ

2 SAMUEL 22:47

O Tuhan ni hangoluan! Nipuji ma Ho na mangampuni au! Pasangap ma Debata na gumogo, sipaluangku!

1 JUJUR TAON 5:25

Nada setia halak Israel tu Debata na nisomba ni angka ompu ni halahi, tapi ditadingkon halahi do ia gabe maribadat halahi tu angka debata ni bangso-bangso na nipaorot ni Debata sian tano Kanaan i.

2 JUJUR TAON 12:1

Dung gabe togu parjuguk ni Raja Rehabeam, dipasiding ia ma dohot rayatnia i Tona Ni Tuhan,

2 JUJUR TAON 26:16

Dung gogo Raja Usia gabe ginjang ma rohania, jana i ma na maroban ia tu hasegoan. Dilanggar ia ma parenta ni Tuhan Debatania, harana masuk ma ia tu Bagas Ni Debata laho manutung dupa di ginjang ni langgatan pardupaan.

NEHEMIA 9:25

Dirampas bangsoMi do angka benteng partahanan, tano na napu bope bagas na gok sinadongan. Inganan ni aek na nihalojahon ni halak, dirampas halahi kobun anggur, bona ni zetun dohot parbatu na asing i. Mamokmok halahi hara ni na mangan marroha-roha. Sandok na denggan na nilehenMu didaisa.

NEHEMIA 9:26

Hape mangalo do bangsoMi jana nada mangoloi tu Ho, uhumMu dohot aturanMu dipasiding do, dibunu do angka panurirang na paingotkon halahi, anso mulak tu Ho Debatana, nian halahi. O Tuhan, laing marpupu ma i Ho dipalayas halahi.

MASMUR 100:3

Ingot ma anggo Tuhan i, Debata do Ia do manompa hita jana nampunaNia do hita, bangsoNia do hita, bangso na nipature-tureNia.

MASMUR 119:70

Nada diastui angka jolma i, hape anggo di au uhumMi do pasonang rohangku.

MASMUR 17:10

Nada adong di halahi ibo ni roha hata-hata ni halahi, hata manggang na so hasaya.

MASMUR 18:46

Tuhan na mangolu! Nipuji ma na mambela au! Pasangap ma hagogoon ni Debata, na palua au!

MASMUR 73:7

Gok hajahatan do roha ni halahi, sai giot mambaen sangkap na jat do pikiran ni halahi.

MASMUR 81:11

Hape nada ra bangsongKu manangihon hatangKu, nada ra Israel mangoloi tu Au.

MASMUR 89:26

Dokkononnia ma tu au, ‘Ho do Damang jana Debatangku, Ho do pangondianku dohot sipalua au.’

MASMUR 89:27

Hubaen ia gabe anakKu siangkaan, sian sandok raja, ia ma na gumodang.

MASMUR 95:1

Beta marende hita di Tuhan, marsurak-surak di pangondinginta!

JESAYA 1:4

Marjaya ma hamu bangso pardosa, angka halak na so ture jana na jahat pomparan ni angka parjahat, angka dakdanak na marparange na jat! Ditulak jana ditinggalkon halahi do Tuhan Na Sun Badia i, Debata ni Israel, jana manghudukkon Ia.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 44:2

Songon on ma hata ni Tuhan, na manompa ho na mambaen ho hatiha di bortian jana mangurupi ho. NaposongKu do ho, ulang mabiar rohamu, ho do bangso na Huhaholongi todoan ni rohangku.

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

JEREMIA 2:31

O hamu Israel, tangihon ma angka hatangKon. Unjung ma he Au songon padang halongonan maradopkon hamu, sanga songon tano na golap bulita jana na gok parmaraan? Hape biasi didok hamu sai na giot bebas hamu, jana nada ra be mulak mangulahi tu Au?

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

JEREMIA 2:5

Didok Tuhan, “Hasalaan dia do na dumpang ompumunu di Au, umbaen pola mandao halahi sian Au? Disomba halahi do patung na so marguna na mambaen halahi gabe so marguna?

JEREMIA 5:28

boti mamokmok be jana maduma. Nada marbolat hajahatan ni halahi. Disoadahon halahi do hak ni na so marama so marina, jana nada diondihon halahi angka halak na hona sosak.

JEREMIA 5:7

Bia do lakna, bisa dope ampunanKu hamu? Madung ditadingkon angka anakmu Au, jana marsumpa marhitehon na so debata. Dung Hupabutong halahi, marmainan do halahi jana kehe tu bagas parkarosuan.

JEHESKIEL 14:5

Sude gana-ganaan i padaohon bangsongKi do sian Au, tapi marhite alus i sai anggiat ma nian mulak bangsongKi tu Au.’

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

HOSEA 4:7

Mur martamba bahatmunu, mur mardosa muse do hamu tu Au, ale angka malim! Harana angkon paubaonKu do na masa tu hamu. Nada pasangapon be hamu tapi palayason noma.

BAENON NI ANGKA RASUL 28:27

Angke madung jogal roha ni bangso on, disumpol halahi do pinggolna jana dipapitpit matana. Angke sugari nada songon i, tontu marnida do mata ni halahi, marbinege do pinggolna, mangarti muse do roha ni halahi, jana mulak do halahi tu Au, disi ma Hupamalum halahi.’ ”

BAENON NI ANGKA RASUL 9:5

“Ise dehe Ho Tuan?” ning si Saulus manyapai. Mangalusi ma sora i, “Au ma da Jesus, na niparkancitanmi.

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

PANGARATAION 31:20

ObanonKu ma halahi tu tano na napu jana na marlobian susu dohot madu, songon na dung Hujanjihon tu ompu ni halahi. Dapot halahi ma disi sipanganon na porlu di halahi jana mangolu di bagasan sonang ma halahi. Tapi di pudian ni ari marbalik ma halahi jana marsomba tu angka debata na asing. Tulahon ni halahi ma Au jana gagaan ni halahi ma parjanjianKu,

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

PANGARATAION 32:6

Songon i ma he pamalosmu di hadengganan ni Tuhanmu, ale jolma na so marbisuk boti na sun otomu? Nada he Amangmu do Ia, na manjadihon ho, na manompa hamu gabe sada bangso?

PANGARATAION 33:26

“O, Israel, boto hamu ma, sumurung do Debata sian sasude debata. Dibolus Ia do langit di bagasan hamuliaan mamintas di ombun mangalehen di hamu tolongan.

PANGARATAION 33:5

Di na marlagut bangso on dohot angka pamimpinNa, Tuhan do na gabe raja di bangsoNa.”

HAKIM-HAKIM 10:6

Mangulahi ma muse mardosa halak Israel tu Tuhan. Nada diantureskon halahi Tuhan jana mantak halahi marsomba tu Tuhan. Marsomba halahi tu angka Debata Baal dohot Astoret dohot tu angka debata ni bangso Siria, Sidon, Moab, Amon dohot Pilistin.

1 SAMUEL 2:29

Antong, biasi dope laing maradu songkal ho mida angka haul na dihaulkon ni bangsongKi tu Au? Eli, biasi sumangap dibaen ho angka anakmi ulang pado Au, jana dipadiar ho pamokmok dirina halahi marhite bagian na dumenggan sian sandok na nihaulkon ni bangsongKu tu Au?