PANGARATAION 32:14 - BIBEL JAMITA NA DENGGAN

¹⁴ Dumenggan pahan-pahananna boti bahat susuna; gandum dohot aek ni anggur, i noma na dumengganna.

PANGARATAION 32:14 ပူးပေါင်းရင်းမြစ်များ

PAMUNGKAAN 18:8

Dibuat si Abraham ma susu, dohot susu na mata dohot juhut ni anak ni lombu sinangkin, dipasahat ia ma tu jolo ni angka tamunia i. Si Abraham sandiri do mangoloi halahi di toru ni hayu i di na mangan i halahi.

PAMUNGKAAN 49:11

Tambatonna do anak ni halodena di bona ni anggur, di bona ni anggur na jumengkar. Basuonnia ma pakeannia dohot anggur, anggur na rara songon mudar.

2 SAMUEL 17:29

aer ni loba, miak, kapala ni susu dohot biri-biri sanga na piga. Diboto halahi do na malean si Daud dohot parangannia i, manguas boti loja hara ni na mardalan di halongonan i.

NEHEMIA 9:25

Dirampas bangsoMi do angka benteng partahanan, tano na napu bope bagas na gok sinadongan. Inganan ni aek na nihalojahon ni halak, dirampas halahi kobun anggur, bona ni zetun dohot parbatu na asing i. Mamokmok halahi hara ni na mangan marroha-roha. Sandok na denggan na nilehenMu didaisa.

NEHEMIA 9:26

Hape mangalo do bangsoMi jana nada mangoloi tu Ho, uhumMu dohot aturanMu dipasiding do, dibunu do angka panurirang na paingotkon halahi, anso mulak tu Ho Debatana, nian halahi. O Tuhan, laing marpupu ma i Ho dipalayas halahi.

JOB 20:17

Nada be daionna miak zetun na marlobian, sanga susu dohot aer ni loba na marbahat marusean.

JOB 29:6

Bahat situtu susu sian pahan-pahananku. Bahat do miak sian angka bona ni zetunku, haru pe disuan di tano na marbatu.

MASMUR 147:14

Dijago Ia do luatmunu anso dame tongtong, jana dipabutong Ia ho dohot gandum na tumabo.

MASMUR 22:12

Songon lombu na marhulanan, musu mangarongomi au, songon lombu riar na sian Basan halahi manghaliangi au.

MASMUR 81:16

Tapi anggo bangsongKu lehenonKu do mangan gandum pilian, jana pabutongonKu dohot manisan.”

JESAYA 7:15

Angkon panganonnia do susu dohot aer ni loba, lopus diboto ia manulak na jat dohot mamili na denggan.

JESAYA 7:22

Susu ni pahan-pahanan i pe madung lobi sian na tuk laho manggohi haporluan ni partani i tu haporluanna hara ni hurangna bahat ni jolma na mangingani luat i. Tutu do, sanga na piga-piga halak nari na tading di luat i mangan susu ma dohot aer ni loba.

JEHESKIEL 39:18

Bolas ma panganon ni halahi angka bangke ni ulubalang, jana inumon ni halahi mudar ni angka parkuaso ni tano on. Na giot bunuon do angka ulubalang dohot parkuaso i songon angka hambeng jantan sanga anak ni hambeng, sanga banteng na mokmok sian Basan.

HOSEA 11:4

Mardongan ihot-ihot holong ni roha, Hutarik halahi tu Au. Songon na mangangkat auga do Au di halahi. Hupaunduk do tu halahi laho marmamasa.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

MIKA 7:14

Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.

BILANGAN 18:12

Hulehen di ho sude na dumenggan sian suha ni tano parjolo na dihaulkon halak Israel di Au ganop taon, miak zetun, aek ni anggur dohot gandum.

PANGARATAION 28:47

Madung dipasupasu Tuhan ho di sude pangalaho, hapengani nada ra ho mangoloi Ia mardongan jop ni roha dohot hamogaan.

HALUMBAAN 14:20

Di balian ni kota do digiling angka anggur i jana mardalan ma mudar na doras sian panggilingan i tolu ratus kilometer daona jana dua meter bagasna.

HAKIM-HAKIM 5:25

Mangido aek si Sisera, susu do dilehen disia, dadi di mangkuk, i do na patut di raja-raja.