PANGARATAION 32:13 - BIBEL JAMITA NA DENGGAN

¹³ Tola ma halahi mangarajai partoran, di tano na marbatu inganan ni zetun martubuan. Panganon ni halahi do parbatu ni angka ladang minum aer ni loba harangan sian batu na marigang.

PANGARATAION 32:13 ပူးပေါင်းရင်းမြစ်များ

2 SAMUEL 22:34

Songon pat ni ursa dibaen Ia togu patku, gabe sonang di partoran pardalananku.

JOB 20:17

Nada be daionna miak zetun na marlobian, sanga susu dohot aer ni loba na marbahat marusean.

JOB 29:6

Bahat situtu susu sian pahan-pahananku. Bahat do miak sian angka bona ni zetunku, haru pe disuan di tano na marbatu.

MASMUR 18:33

Dipargogoi Ia patku songon pat ni ursa di harangan, gabe sonang ma dalanku di pardolokan.

MASMUR 81:16

Tapi anggo bangsongKu lehenonKu do mangan gandum pilian, jana pabutongonKu dohot manisan.”

JESAYA 48:21

Nada manguas halahi, hatiha ditogu Ia halahi mamolus inganan na gariang. Diharuarkon Ia aek sian dolok batu di halahi. Dibola Ia dolok batu, gabe mamincar ma aek.

JESAYA 58:14

jadi gabe marjop ni roha ma hamu hara ni Tuhan i. BaenonKu ma hamu marsangap di tano on sudena, jana sonang ma hamu mangolu baenonKu di tano na Hulehen tu ompumunu si Jakob. Au Tuhan, madung mandok songon i.”

JEHESKIEL 16:13

Songon i ma ho mamake barang sere dohot perak, pakeanmu pe na nibaen sian abit linen do dohot sutera na marsulam. Panganonmu pe roti na nibaen sian topung na dumenggan mardongan aer ni loba dohot miak zetun. Na santak ma jogi ni rupamu jana gabe ratu do ho.

JEHESKIEL 21:17

Au pe martopap-topap muse ma, dung i mombun ma muruk ni rohangKu, Au Tuhan, madung mandok songon i.”

JEHESKIEL 36:2

songon on ma didok Tuhan Debata, ‘Hara ni na nidokkon ni angka musu i taringot tu hamu: Tarimakasi, angka dolok sian na jolo madung gabe hita nampunasa.

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

PANGARATAION 28:47

Madung dipasupasu Tuhan ho di sude pangalaho, hapengani nada ra ho mangoloi Ia mardongan jop ni roha dohot hamogaan.

PANGARATAION 33:26

“O, Israel, boto hamu ma, sumurung do Debata sian sasude debata. Dibolus Ia do langit di bagasan hamuliaan mamintas di ombun mangalehen di hamu tolongan.

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

PANGARATAION 8:15

Dipimpin Tuhan do hamu mamolus parhorsihan na bolak jana na jorbut i, disi bahat ulok na marbisa dohot hala. Di tano na mahiang na so maraek i disuru Ia do mardalan aek sian batu mamak na pir i anso minum hamu sapuas-puasna.

PANGARATAION 8:8

sada luat na gabe pambuatan ni gandum dohot bajaure, anggur, batu ni ara, batu ni dalimo, miak zetun dohot manisan.