PANGARATAION 32:11 - BIBEL JAMITA NA DENGGAN

¹¹ Songon halihi na mangajar anakna habang, ditarehon habongna anso ulang madabu. Songon i do Tuhan manjagahon Israel, anso ulang madabu.

PANGARATAION 32:11 ပူးပေါင်းရင်းမြစ်များ

PAMUNGKAAN 1:2

Nada marrumang dope sudena i jana mamolngit do pangalahona. Laut bidang na margalumbang na mangalingkup sasudena boti golap bulita, jana manggulot ma Tondi Ni Debata di ginjang ni aek i.

MASMUR 18:10

Juguk ma Ia di ginjang ni kerub jana habang, habang di ginjang ni habong ni alogo.

HARURUAR 19:4

“Madung diida hamu sanga aha Na Hubaen, Au Tuhan mambaensa maradopkon halak Mesir, jana sanga songon dia Hubaen maroban hamu tu Au di inganan on mardongan kuaso na godang songon unggas rajawali na maroban anakna di ginjang ni habongna.

JESAYA 31:5

Songon unggas na manggurapar di ginjang ni asarna laho mangondihon angka anakna, laing songon i ma Au, Tuhan Na Markuaso mangondihon dohot mambela Jerusalem.”

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

JESAYA 46:4

Au Debatamunu, giot mangondihon hamu; lopus matobang jana ubanon obukmunu. Au na manompa hamu, sai na sarihononKu do hamu, sai na paluaonKu jana urupanKu hamu.

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

JEREMIA 13:11

Songon bobat abit na dialitkon gomos di gonting ni na mamakesa, songon i ma Hubaen pangalitkon ni halak Israel dohot Juda tu Au. Songon i ma dalanna halahi gabe bangsongKu na mambaen tarpuji jana marsangap goarKu. Hape nada ra halahi mangoloi Au.”

HOSEA 11:3

Hape Au do mangajar si Jakob mardalan, jana Huhaol ia mardongan holong ni roha. Au do na pature-ture ia hape nada ra ia mangokuisa.

PANGARATAION 33:12

Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”

IBRANI 11:3

Hara ni haporsayaan, gabe mangarti hita bahaso hata na nidok ni Debata do manjadihon hasiangan on; jadi sanga aha na tarida, sian na so tarida do i tarjadi.

HALUMBAAN 12:14

Hape madung dilehen di dadaboru i dua habong ni rajawali na godang situtu anso tarbaen ia habang tu inganannia di parhorsihan jana anso malua ia sian serangan ni naga i. Di parhorsihan i ma ia dipauli-uli sada hatiha, dua hatiha, dohot satonga hatiha.

HALUMBAAN 12:4

Disarat ia ma dohot lailainia i sapartolu sian angka bintang na di langit i, disampakkon ia ma i tu tano on. Jongjong ma naga i di jolo ni anak boru na giot manubuhon dakdanakNa i anso manigor dipolgak ia Dakdanak i disi sorang.