PANGARATAION 31:9 - BIBEL JAMITA NA DENGGAN

⁹ Dung i disuratkon si Musa ma angka Tona Ni Tuhan Debata jana dilehen ia ma i tu angka Malim Levi na ditugaskon mangurus Poti Parjanjian i, dohot tu angka pamimpin ni Israel.

PANGARATAION 31:9 ပူးပေါင်းရင်းမြစ်များ

1 RAJA-RAJA 8:3

Dung i diangkat angka malim i ma Poti Parjanjian i,

2 RAJA-RAJA 17:37

Burju ma oloi hamu tongtong angka uhum dohot angka parenta na dung Husuratkon di hamu. Ulang marsomba hamu tu angka debata sileban,

1 JUJUR TAON 15:2

Dung i didok si Daud ma, “Hum halak Levi sajo do na tola mangangkat Poti Parjanjian ni Tuhan, harana halahi do na nitodo ni Tuhan laho mamorsan Poti i dohot na mangoloi Ia salolot-lolotna.”

NEHEMIA 8:2

Jadi dioban si Esra ma buku i tu adopan ni na marlagut i, i ma angka halaklahi, dadaboru dohot angka dakdanak na impas godang laho mangastui.

NEHEMIA 8:3

Dung i dibasahon si Esra ma Uhum i tu halahi sian manyogot lopus arian. Sude do halahi manangihon sian situtu ni rohana.

HARURUAR 24:4

Disuratkon si Musa ma sude parenta ni Tuhan i. Ancogotna i andos torang dope, dipajongjong ia ma langgatan di pat ni dolok i na nibaennia sian dua bolas batu; ganop batu ma mangwakili ganop marga ni Israel na dua bolas i.

DANIEL 9:13

Sude jaya hamamago na tarsurat di bagasan Tona Ni si Musa didondonkon Ho do tu hami. Tapi haru songon i pe, ale Tuhan Debatanami, laing hami gagai do laho pasonang rohaMu. Laing hot do hami na so ra manadingkon angka dosanami jana nada hami parrohahon angka pangajaranMu.

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

MALEAKI 4:4

Ingot hamu ma angka Tona na niajarkon ni naposongKu si Musa, ingot hamu ma angka aturan dohot angka parenta na Hulehen tusia di Dolok Sinai na gabe sioloan ni sandok halak Israel.

BILANGAN 33:2

Diparentahon Tuhan ma tu si Musa anso disuratkon ia sude inganan paradianan ni halahi muda giot marbandar.

BILANGAN 4:15

Muda dapot hatiha mambuka parbandaran i horong ni Marga Kehat angkon ro be ma mamorsan barang-barang na badia i, tapi angkon dung sidung pe ditutupi si Harun dohot angka anaknia barang-barang bope parkokasna i. Angke halak sian Marga Kehat, nada tola dais tu barang-barang na badia i, muda dais halahi angkon mate halahi. Songon i ma karejo ni Marga Kehat muda giot paimbaron ma Bandar Parmianan.

BILANGAN 4:5

Dilehen Tuhan ma angka parenta tu si Musa songon on: Muda dapot hatiha mambuka parbandaran i, angkon masuk ma si Harun dohot angka anaknia tu Bandar ParmiananKu, lalu paijurkon tire na di jolo ni Poti Parjanjian, dung i ditutup ma Poti i dohot tire i.

BILANGAN 4:6

Dung i angkon tutupon ni halahi dope dohot sangkarambar bobak na halus, dung i dipahirbang ma sangkarambar abit na rata langit di ginjangna, dung i dipamasuk ma hayu pamorsan ni Poti i.

MARKUS 12:19

“Guru, ditonahon si Musa do tu hita: ‘Muda mate sada bayo maninggalkon sada dadaboru ia, tapi nada jabat maruntungan halahi, angkon gabe patugincaton ni anggi ni na mate i ma na mabalu i anso mardakdanak ia. I ma na gabe pomparan di na mate i.’

LUKAS 20:28

“O, Guru! Disuratkon si Musa do tu hita tona on: Muda maninggal sada bayo jana ditadingkon ia ma daborunia, jana nada adong dakdanakna, angkon patugincaton do i anso adong pomparan ni kahangginia i.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

JOHANNES 1:45

Dung i marsuo muse ma si Pilipus dohot si Natanael jana didok ia ma, “Madung marsuo hami dohot Ia na nidok ni si Musa di bagasan Buku Tona i, dohot na nidok ni angka panurirang, i ma Jesus anak ni si Josep halak Nasaret i.”

JOHANNES 5:46

Sugari na tutu hamu porsaya tu si Musa, angkon laing porsaya muse do hamu tu Au, angke taringot tu Au do na nisuratkon ni si Musa.

PANGARATAION 10:8

Di dolok i dibaen Tuhan ma Marga Levi marhapunjungan mangurus Poti Parjanjian i dohot mangoloi Tuhan gabe angka malim dohot mandok hata pasupasu mangasahon goarNia. I ma karejo ni halahi lopus saonnari.

PANGARATAION 17:18

Muda adong sada halak na diangkat gabe raja, angkon lehenon do tusia sada buku na marisi angka aturan dohot pangajaran ni Debata na nisurat sian buku na asli na nisimpan ni angka Malim Levi.

PANGARATAION 31:28

Antong, suru hamu ma marlagut sude pamimpin ni marga dohot angka ulubalang di jolongku, anso hupalalu angka pangalaho on tu halahi. Langit dohot tano ma hupiohon gabe saksina maradopkon halahi.

PANGARATAION 33:10

Diajari halahi do bangsoMu mangoloi UhumMu; dibaen halahi do haul di langgatanMu.

JOSUA 3:3

jana didok halahi ma tu halak Israel, “Muda diida hamu angka malim mamorsan Poti Parjanjian ni Tuhan Debatamunu i, hamu pe antong markobas ma manadingkon ingananmunu be laho mangihutkon halahi.

JOSUA 6:12

Ancogotna i sogot sajo dope, ngot ma si Josua jana marbaris ma padua nolina angka malim dohot tentara i manghaliangi kota i songon parjojor ni barisan na di ari parjolo i: Mula-mula barisan ni pangawal parjolo, dung i pitu halak malim siombus sarune, diihutkon angka malim na mamorsan Poti Parjanjian jana ujungna barisan pangawal na parpudi. Laing torus ma anggo sarune i dipalu.