PANGARATAION 31:6 - BIBEL JAMITA NA DENGGAN

⁶ Togu ma rohamunu jana barani! Ulang mabiar hamu mida halahi! Debatamunu i, Tuhan sandiri ma mandongani hamu. Nada pailaon sanga tadingkononNia hamu.”

PANGARATAION 31:6 ပူးပေါင်းရင်းမြစ်များ

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

2 SAMUEL 10:12

Papir ma rohamu! Dison ma tapatuduhon habaranion manghopkop bangsonta dohot manghopkop angka kota ni Debatanta. Sai dipatulus Tuhan ma sanga aha giot ni rohaNia.”

1 RAJA-RAJA 2:2

“Dapot ma hatihana marujung ngolungku. Angkon pos do rohamu jana barani.

1 RAJA-RAJA 6:13

Maringanan ma Au di bagas na nipauliMi gabe tongtong Au di tonga-tonga ni bangsongKu Israel. Nada tinggalkononKu halahi.”

1 RAJA-RAJA 8:57

Sai Tuhan Debata ma donganta songon na dung didongani Ia ompunta, sai ulang ma ditinggalkon Ia hita.

1 JUJUR TAON 22:13

Anggo burju do ho mangoloi sude aturan na nilehen ni Tuhan tu si Musa di bangso Israel, manjadi ma karejomu. Angkon puluk do ho jana marpos ni roha. Ulang ho mabiar sanga na mangadopi aha pe jadi.

1 JUJUR TAON 28:10

Angkon botoonmu do na dung ditodo Tuhan ho laho pajongjongkon bagas na gabe hapunjungan ni Tuhan. Antong, saonnari situtui ma laho patuluskon i.”

1 JUJUR TAON 28:20

Dung salpu i didok Raja Daud ma muse tu si Salomo anakna i, “Ulang ho mabiar, pos ma rohamu. Pungka ma karejo i jana ulang ho gamang sanga na maradopkon aha pe. Urupan ni Tuhan Debata na husomba i do ho. Nada tadingkononNia ho. Sai na dongananNia do ho lopus sidung dibaen ho sude karejo i.

2 JUJUR TAON 32:7

“Togu ma rohamunu jana marpos ni roha; ulang hamu mabiar tu raja ni Asur i sanga tu angka pasukanna i. Gumodang dope gogo di hita ulang pado di pihak ni halahi.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 94:14

Angke nada ra Tuhan i mangambungkon bangsoNa, jana nada tadingkononNia nampunaNia sandiri.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

JEREMIA 1:8

Ulang ho mabiar mida halahi, angke sai dongananKu do ho laho mangondihon ho. Au Tuhan, madung mandok songon i!”

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

HAGAI 2:4

Tapi saonnari, patogu ma rohamu, ale Zerubabel, ninna Tuhan; patogu ma rohamu ale Malim Godang Josua, anak ni si Josadak; patogu ma rohamu ale sude bangso, ninna Tuhan; markarejo ma, harana dongananKu do hamu, ninna Tuhan Na Markuaso.

ZAKARIA 8:13

Jana na jolo madung manjadi bura hamu di tonga-tonga ni angka bangso, o hamu halak Juda dohot halak Israel. Jadi saonnari giot paluaonKu noma hamu, anso gabe pasupasu hamu. Ulang hamu mabiar, patogu ma rohamunu!”

BILANGAN 13:20

Ligi hamu sanga napu do tanona jana bahat do hayu na marbatu. Ulang hamu lupa maroban saotik sian batu ni hayu angka na tubu disi.” (Laho mamungka ma musim ni anggur hatiha i.)

BILANGAN 14:9

Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

PANGARATAION 1:21

Ligi ma, indu ma di adu tano na nilehen ni Tuhan Debatamu tu ho. Kehe ma hamu mangingani tano i songon na niparentahon ni Tuhan, i ma Debata na nisomba ni ompumu. Ulang mabiar rohamunu sanga mandele.’

PANGARATAION 1:29

Tapi hudok do, ‘Ulang mabiar hamu tu angka jolma i.

PANGARATAION 11:8

“Oloi hamu ma angka aturan na hulehen tu hamu di ari sadari on, dung i tarbaen hamu ma manaripari batang aek i dohot mamasuhi tano na giot siingananmunu santongkin nari.

PANGARATAION 20:1

“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.

PANGARATAION 31:23

Dung i mangkuling ma Tuhan tu si Josua, anak ni si Nun, ninna ma, “Patogu ma rohamu jana barani! Ho noma mamimpin bangso Israel mamasuhi tano na dung Hujanjihon tu halahi, jana Au ma mandongani ho.”

PANGARATAION 31:7

Dung i dipio si Musa ma si Josua, jana di jolo ni sude bangso Israel i didok si Musa ma tusia, “Sai pos ma rohamu jana barani, ale Josua! Ho noma na mamimpin bangso on laho mambuat tano na dung dijanjihon ni Tuhan i tu ompu ni halahi.

PANGARATAION 31:8

Tuhan sandiri do na giot manogu dohot mandongani ho. Nada pailaon sanga tadingkononNia ho. Antong, ulang ho mabiar sanga hurang togu rohamu.”

PANGARATAION 4:31

Debata na gok ibo ni roha do Tuhan i. Nada tadingkononNia sanga abiskononNa hamu, jana nada halupahononNia parjanjian na nibaenNia sandiri dohot ompumunu.

PANGARATAION 7:18

Ulang mabiar hamu tu halahi; ingot hamu na sanga aha na dung dibaen Tuhan Debatamunu tu raja ni Mesir dohot sude rayatna i.

2 TIMOTEUS 2:1

Amang Timoteus! Sai margogo ma ho hara ni asi ni roha na nilehen di hita hara ni pardomuanta i dohot Kristus.

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

JOSUA 10:25

Dung salpu i, didok si Josua ma tu angka panglimania i, “Ulang hamu mabiar jana ulang gamang. Angkon pos rohamunu jana barani, angke songon on ma baenon ni Tuhan sude angka musumunu.”

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.