PANGARATAION 31:3 - BIBEL JAMITA NA DENGGAN

³ Tuhan Debatamu sandiri ma mardalan di jolomunu dohot na mangabiskon angka bangso na maringan disi, anso laing tarbaen hamu mambuat tano ni halahi i. Si Josua ma mamimpin hamu, songon na nidok ni Tuhan i.

PANGARATAION 31:3 ပူးပေါင်းရင်းမြစ်များ

PAMUNGKAAN 48:21

Jadi didok si Jakob ma tu si Josep, “Songon na niidamu, donok noma da ajalku; tapi laing donganan ni Debata do hamu jana obanonNa mulak tu luat ni ompungmunu.

BAENON NI ANGKA RASUL 7:45

Dung i sai dipaoban-oban angka ompunta i ma undung-undung i di na kehe halahi dohot si Josua mangarampas luatta on sian tangan ni angka bangso na niayak ni Debata di jolo ni halahi. Laing disi ma undung-undung i lopus tu hatiha ni si Daud.

PANGARATAION 1:30

Tuhan Debatamunu do mamimpin hamu dohot marporang humopkop hamu songon na dung niidamunu sandiri di Mesir

PANGARATAION 3:28

Lehen ma panogu-noguon tu si Josua. Pasobar rohania, angke ia do na giot mamimpin bangso i tu bariba laho mambuat tano na niidami.’

PANGARATAION 31:14

Dung i didok Tuhan ma tu si Musa, “Nada pola lolot be ho mangolu. Jadi piohon ma si Josua, jana oban ma ia tu Bandar ParmiananKu, anso tarlehen Au angka panogu-noguon tusia.” Jadi kehe ma si Musa dohot si Josua tu Bandar Parmianan,

PANGARATAION 31:23

Dung i mangkuling ma Tuhan tu si Josua, anak ni si Nun, ninna ma, “Patogu ma rohamu jana barani! Ho noma mamimpin bangso Israel mamasuhi tano na dung Hujanjihon tu halahi, jana Au ma mandongani ho.”

PANGARATAION 31:4

Abiskonon ni Tuhan ma bangso i, songon ditaluhon Ia si Sihon dohot si Og, raja ni halak Amori lalu Dironcohon Ia luat ni halahi i.

PANGARATAION 34:9

Digohi Tuhan ma si Josua anak ni si Nun dohot habisuhon dibaen madung ditodo si Musa ia gontinia. Mangoloi do bangso Israel tu si Josua jana didalankon halahi do angka parenta na nilehen ni Tuhan tu halahi markite-hite si Musa.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

PANGARATAION 9:3

Tapi anggo saonnari idaonmunu sandiri ma sanga na bia Tuhan Debatamunu mardalan di jolomunu songon api na manyurbu. TaluhononNia ma halahi di jolo ni matamunu, gabe tarpaorot jana tarpusa hamu tibu halahi, songon na dung dijanjihon Tuhan.

IBRANI 4:8

Sugari na dung dioban si Josua angka jolma i masuk tu inganan na giot lehenon ni Debata gabe paradianan ni halahi, tontu nada pola taringotan ni Debata be sada ari na asing.

JOSUA 1:2

Didok Tuhan ma, “Madung marujung ngolu ni naposongKu si Musa. Saonnari markobas ma ho dohot sude bangso Israel laho manaripari Batang aek Jordan dohot mamasuhi tano na giot lehenonKu di halahi.

JOSUA 11:15

Songon na niparentahon ni Tuhan tu si Musa naposoNa i, songon i do diparentahon si Musa tu si Josua, jana dipatulus si Josua do sude parenta i; sada pe nada adong na so dipadalan ia.

JOSUA 3:7

Didok Tuhan ma tu si Josua, “Mamungka sadari on baenonKu ma ho gabe halak na godang jabat sude halak Israel pasangap ho jana botoon ni halahi ma bahaso na Hudongani do ho songon pandonganingKu di si Musa.

JOSUA 4:14

Dibaen Tuhan ma di ari i angka pangalaho na mambaen bangso Israel manjujung si Josua gabe halak na godang. Dipasangap halahi ma si Josua, salolot mangolu ia songon na diparsangapi ni halahi si Musa.