PANGARATAION 31:24 - BIBEL JAMITA NA DENGGAN

²⁴ Dung i disuratkon si Musa ma Tona Ni Tuhan di bagasan sada buku. Tangkas do panyuratna dibaen ia anso ulang adong na lupa panyuratna.

PANGARATAION 31:24 ပူးပေါင်းရင်းမြစ်များ

2 RAJA-RAJA 22:8

Dipalalu si Safan ma na niparentahon ni raja i tu si Hilkia, lalu dicaritohon si Hilkia ma tu si Safan, na dapotnia di Bagas Ni Debata buku ni angka Tona Ni Tuhan. Dilehen si Hilkia ma buku i tu si Safan jana disise si Safan ma i.

PANGARATAION 17:18

Muda adong sada halak na diangkat gabe raja, angkon lehenon do tusia sada buku na marisi angka aturan dohot pangajaran ni Debata na nisurat sian buku na asli na nisimpan ni angka Malim Levi.

PANGARATAION 31:23

Dung i mangkuling ma Tuhan tu si Josua, anak ni si Nun, ninna ma, “Patogu ma rohamu jana barani! Ho noma mamimpin bangso Israel mamasuhi tano na dung Hujanjihon tu halahi, jana Au ma mandongani ho.”

PANGARATAION 31:25

Dung sidung, didok ia ma tu angka Malim Levi na dikarejokon mangurus Poti Parjanjian i,

PANGARATAION 31:9

Dung i disuratkon si Musa ma angka Tona Ni Tuhan Debata jana dilehen ia ma i tu angka Malim Levi na ditugaskon mangurus Poti Parjanjian i, dohot tu angka pamimpin ni Israel.

JOSUA 1:8

Parrohahon ma denggan anso sai tongtong disise buku niuhum i ganop maribadat hamu. Parsiajari ma buku i arian dohot borngin jana dalankon ma sude na tarsurat di bagasan buku i ulang parlayas. Muda dipatulus ho sudena i, sonang ma ngolumu jana maruntung.

JOSUA 24:26

Disuratkon si Josua ma sude uhum dohot angka aturan i di bagasan Buku Uhum ni Debata. Dung i dibuat si Josua ma sada batu na godang, lalu dipajongjong ia ma i di toru ni sada hayu na godang di inganan hapunjungan ni Tuhan.