PANGARATAION 31:20 - BIBEL JAMITA NA DENGGAN

²⁰ ObanonKu ma halahi tu tano na napu jana na marlobian susu dohot madu, songon na dung Hujanjihon tu ompu ni halahi. Dapot halahi ma disi sipanganon na porlu di halahi jana mangolu di bagasan sonang ma halahi. Tapi di pudian ni ari marbalik ma halahi jana marsomba tu angka debata na asing. Tulahon ni halahi ma Au jana gagaan ni halahi ma parjanjianKu,

PANGARATAION 31:20 ပူးပေါင်းရင်းမြစ်များ

NEHEMIA 9:35

Dipasupasu Ho do angka raja ni bangsoMu lopus makmur, dilehen Ho di halahi luat na bolak, tano napu. Hape nada ditadingkon halahi ngoluna na so ture i, umpe ra halahi mangoloi tu Ho bope maribadat.

MASMUR 119:70

Nada diastui angka jolma i, hape anggo di au uhumMi do pasonang rohangku.

MASMUR 17:10

Nada adong di halahi ibo ni roha hata-hata ni halahi, hata manggang na so hasaya.

MASMUR 73:7

Gok hajahatan do roha ni halahi, sai giot mambaen sangkap na jat do pikiran ni halahi.

HARURUAR 3:17

Madung Huputuskon di rohangKu laho maroban halahi ruar sian Mesir, inganan ni halahi diparkanciti, jana taruhononKu ma halahi tu luat na mora bope na napu – luat ni halak Kanaan, Het, Amori, Peris, Hewi dohot Jebus.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

PODA 30:9

Harana, muda ompot kayo au, betak na gabe dokkononku do, na so porlu Ho di au. Jana muda marpogos au, betak na manangko ma au, jadi gabe hodar goarMu.”

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

JEREMIA 5:28

boti mamokmok be jana maduma. Nada marbolat hajahatan ni halahi. Disoadahon halahi do hak ni na so marama so marina, jana nada diondihon halahi angka halak na hona sosak.

JEREMIA 50:11

Didok Tuhan ma, “O hamu halak Babel, disamun hamu ma bangsongKi. Marjop ni roha ma hamu songon kudo na panyihal-nyihalon jana pahae-pahulu hamu songon lombu na mardege gandum.

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

JEHESKIEL 34:20

Hara ni i, Au Tuhan Debata mandok tu hamu, ale angka biri-biri na mokmok, na giot ro ma Au manguhumi di tonga-tonga ni biri-biri na gogo dohot biri-biri na gale.

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

HOSEA 6:7

Tapi songon si Adam, digagai hamu do janjimunu dohot Au.

PANGARATAION 11:16

Ulang patola hamu dirimunu dipadao sian Tuhan laho marsomba dohot mangoloi tu angka debata na asing.

PANGARATAION 11:17

Muda dilanggar hamu parenta i, hona muruk ni Tuhan ma hamu. Nada paroonNia udan; mahiang ma tanomunu maradu marigang lopus nada marsuha suan-suanan. Jadi di bagasan hatiha na pendek mate ma hamu disi, haru pe nian tano na napu do na nilehenNa i di hamu.

PANGARATAION 6:3

Hamu angka dongan sabangso, parrohahon hamu ma angka aturan i jana oloi hamu ma i, anso sonang hamu jana gabe bangso na godang di tano na mora boti na napu i, laing songon na dung dijanjihon Tuhan Debata ni ompunta i.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

PANGARATAION 8:19

Jago ma hamu! Ulang lupa hamu tu Tuhan Debatamunu, sanga marbalik tu angka debata na asing laho mamele dohot mangoloi tusi. Muda dibaen hamu na songon i, Hupaingot ma hamu sadari on pasti pusaon ni Tuhan hamu.

PANGARATAION 8:7

Obanon ni Tuhan Debatamunu ma hamu tu sada tano na napu, sada luat na gok batang aek dohot mualna, maradu aek na marponot na marbuldak tu angka rura dohot angka tor;