PANGARATAION 31:16 - BIBEL JAMITA NA DENGGAN

¹⁶ Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

PANGARATAION 31:16 ပူးပေါင်းရင်းမြစ်များ

PAMUNGKAAN 15:15

Ho sandiri pe, jagitonmu ma umur na ginjang, sonang ma parmatemu torus dikuburkon.

PAMUNGKAAN 47:29

Di na mur donok hatihana marujung ngoluna, dipiohon ia ma si Josep anaknia i, didok ia ma hatania, “Baen ma tanganmi tu holang-kolang ni hae-haengkon jana sumpahon ma na so kuburkononmu au di tano Mesir on.

PAMUNGKAAN 47:30

Giotku, angkon di inganan ni angka daompung do au dikuburkon; oban hamu ma au sian Mesir on jana kuburkon hamu ma au di kuburan ni daompung i.” Jadi dialusi si Josep ma, “Hupatulus pe songon na nidok ni amang i.”

2 SAMUEL 7:12

Tu joloan on, muda dapot ma ajalmu, jana ditanom ho di inganan ni ompumu, angkatonKu do sada sian anakmi na gabe raja.

1 RAJA-RAJA 1:21

Anggo nada dipaboa raja i, tontu dung mate raja i, au ma dohot anakki baenonna songon halak parjahat.”

1 RAJA-RAJA 18:18

“Nada au sibaen gaor,” ning si Elia, “Tapi raja i sandiri do, raja i dohot dongan sabagas ni raja i. Di na marsomba raja i tu angka gana-ganaan ni Baal dilaosi raja i ma angka na niparentahon ni Tuhan.

1 RAJA-RAJA 19:10

Dialusi si Elia ma, “Tuhan Debata Na Markuaso! Sai na matua markarejo tu Ho sandiri sajo do au. Hape dilaosi halak Israel do parjanjian ni halahi dohot Ho. Dirorak halahi do angka langgatanMu jana dibunu angka panurirangMu. Hum sasada au sajo noma na tinggal, jana saonnari giot bunuon ni halahi muse ma au!”

2 RAJA-RAJA 18:12

Madabu pe Samaria, hara ni na so mangoloi do angka halak Israel tu Tuhan, Debata ni halahi, digagai halahi parjanjian na nibaen ni Tuhan dohot halahi jana dilanggar halahi sude parenta ni si Musa naposo ni Tuhan i. Nada ra halahi manangihon dohot mangoloi.

2 RAJA-RAJA 20:1

Laing di ombas i baroon ma Raja Hiskia hancit sajo jabat giot mate ia. Ditopot Panurirang Jesaya anak ni si Amos ma ia jana didok ma tusia, “Madung ditonahon Tuhan anso dihobasi raja i sandok karejo, angke nada malum be raja i. Nada sadia honok nari be anso marujung ngolu ni raja i.”

2 JUJUR TAON 21:11

Mur dipajongjong ia muse dope tehe angka inganan parsombaan ni gana-ganaan na di luat partoran Juda, jana hara ni ia gabe mardosa ma rayat ni Juda dohot Jerusalem tu Tuhan.

JOB 20:11

Haru pe poso ia jana tohong margogo, hape santongkin nari gabe hum abuan ni tano.

MASMUR 106:39

Pangalaho i ma mambaen hodar halahi; nada setia tu Debata halahi.

MASMUR 73:27

Na giot mago do sanga ise na manadingkon Ho, dipatimpas Ho do sanga ise na so setia tu Ho.

HARURUAR 32:6

Jana ancogotna i sogot dope dipelehon halahi ma haul situtungon dohot haul pardamean; jadi juguk ma bangso i mangan dohot minum, dung i jongjong ma halahi manortori.

HARURUAR 34:15

Ulang jabat mambaen janji hamu dohot halak luat i; angke muda marsomba halahi tu angka debatana i jana pasahat haul, piohonon ni halahi ma hamu anso rap dohot halahi mangankon na nihaulkon ni halahi.

JESAYA 48:8

Nada ditangihon ho sanga diboto ho, jana pinggolmu pe nada tarbuka sian najolo; tapi Huboto do, bahaso na durako do ho, jana didok halak do ho pangalaosi mulai sian bortian.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

JEREMIA 36:7

Betak na gabe martangiang do halahi tu Tuhan baenon ni i jana muba halahi sian angka parbuatan ni halahi na jahat i. Sun do muruk ni Tuhan tu halahi jana mangondam do tu halahi.”

JEHESKIEL 16:15

Hape diparsayang ho hajogian ni rupami dohot hahuskuson ni goarmi. Modom do ho dohot halaklahi pamolus sanga na bia pe i.

HOSEA 1:2

Hatiha mulai Tuhan manghatai marhite si Hosea, didok Ia ma tu si Hosea, “Kehe ma ho, buat ma sada halak siboru jalang baen dadaborumu, jana anakkon ma angka anak gampang, angke madung ramun kota on marhite na manundalkon Tuhan.”

HOSEA 10:4

Margabusi ma halahi jana mambaen parjanjian na so tutu lalu mamudun parjanjian na so marguna. Dipasuhar ma uhum, gabe mur manjadi-jadi ma hageduhan songon latong na tubu di ladang na dung nipangkuran.

HAMALIMON 26:15

Muda dilanggar hamu janji na Hubaen dohot hamu jana nada ra hamu mangoloi angka aturan na sian Au dohot parentangKu,

BILANGAN 27:13

Dung ditatap ho ale Musa, mate ma ho songon angkangmu si Harun,

BAENON NI ANGKA RASUL 13:36

Madung mate si Daud jana ditanom muse rap dohot angka ompunia, dung dibaen ia sanga aha na nisuruhon ni Debata baenonnia. Abis muse do sude malangke pamatang ni si Daud.

PANGARATAION 31:18

Nada ra Au mangurupi halahi anggo di hatiha i, dibaen madung mambaen na jahat halahi jana marsomba tu angka debata na asing.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

PANGARATAION 32:50

Anggo ho, Musa, di ginjang dolok i ma marujung ngolumu songon angkangmu si Harun na dung jumolo i di Dolok Hor.

PANGARATAION 34:5

Jadi marujung ma ngolu ni si Musa, naposo ni Tuhan i di tano Moab, laing songon na nidok ni Tuhan i hian.

PANGARATAION 4:25

Muda dung honok hamu sanoli on maringanan di luat i, jana madung maranak marpahompu, ulang muse mardosa hamu hara ni na mambaen di dirimunu patung ni bagi aha sajo pe. Hajahatan do pangalaho na songon i di adopan ni Tuhan, jana na mambaen bonsir gabe muruk Ia.

HALUMBAAN 19:2

Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”

HAKIM-HAKIM 10:13

Haru songon i pe, laing dihudukkon hamu dope Au, lalu kehe hamu marsomba tu angka dewa. Jadi saonnari nada ra be Au paluahon hamu.

HAKIM-HAKIM 10:6

Mangulahi ma muse mardosa halak Israel tu Tuhan. Nada diantureskon halahi Tuhan jana mantak halahi marsomba tu Tuhan. Marsomba halahi tu angka Debata Baal dohot Astoret dohot tu angka debata ni bangso Siria, Sidon, Moab, Amon dohot Pilistin.

HAKIM-HAKIM 2:11

Dung i mardosa ma halak Israel maradopkon Tuhan, jana mulai ma halahi marsomba tu Baal.

HAKIM-HAKIM 2:12

Ditadingkon halahi ma Tuhan na maroban halahi ruar sian Mesir. Jana mulai ma halahi marsomba tu debata na asing, i ma debata ni angka bangso na humaliang halahi. Hara ni i gabe muruk ma Tuhan.