PANGARATAION 31:14 - BIBEL JAMITA NA DENGGAN

¹⁴ Dung i didok Tuhan ma tu si Musa, “Nada pola lolot be ho mangolu. Jadi piohon ma si Josua, jana oban ma ia tu Bandar ParmiananKu, anso tarlehen Au angka panogu-noguon tusia.” Jadi kehe ma si Musa dohot si Josua tu Bandar Parmianan,

PANGARATAION 31:14 ပူးပေါင်းရင်းမြစ်များ

PAMUNGKAAN 47:29

Di na mur donok hatihana marujung ngoluna, dipiohon ia ma si Josep anaknia i, didok ia ma hatania, “Baen ma tanganmi tu holang-kolang ni hae-haengkon jana sumpahon ma na so kuburkononmu au di tano Mesir on.

1 RAJA-RAJA 2:1

Dung dihilala si Daud donok noma ajalnia, dipio ia ma si Salomo, anaknia i, laho mangalehen angka tonania na parpudi tusia. Ninna si Daud ma,

2 RAJA-RAJA 1:4

Dokkon hamu ma tu raja i na nidok ni Tuhan songon on, ‘Nada ra malum be hilalaonmu, mate noma ho!’ ” Dipalalu si Elia ma na nidok ni Tuhan i.

2 RAJA-RAJA 20:1

Laing di ombas i baroon ma Raja Hiskia hancit sajo jabat giot mate ia. Ditopot Panurirang Jesaya anak ni si Amos ma ia jana didok ma tusia, “Madung ditonahon Tuhan anso dihobasi raja i sandok karejo, angke nada malum be raja i. Nada sadia honok nari be anso marujung ngolu ni raja i.”

JOB 1:6

Di na sanoli mangadop ma angka mahluk pardibanua ginjang tu Tuhan jana dohot ma mangihut di tonga-tonga ni halahi Sibolis.

JOB 2:1

Mangulahi ro angka mahluk parbanua ginjang mangadop tu Tuhan, jana laing dohot do Sibolis di tonga-tonga ni halahi.

HARURUAR 33:11

Jana marsiadopan bohi do Tuhan manghatai dohot si Musa songon sada halak na manghatai dohot donganna; dung sidung, mulak ma ia mangulahi tu parbandaran. Tapi anggo pangoloinia si Josua anak ni si Nun, na poso dope. Anggo ia nada morot sian bandar i.

HARURUAR 33:9

Muda dung masuk si Musa tu bandar i mijur ma tiang ombun i jana so ma i di pintu ni bandar i jana manghatai ma Tuhan dohot si Musa sian ombun i.

HARURUAR 34:2

Markobas ma ho marayak manyogot jana manangkok ma ho manyogot i tu Dolok Sinai; jongjong ma ho disi adop Au di ambubu ni dolok i.

PARJAMITA 9:5

Palamani, diboto jolma na mangolu na inte do hamatean disia, hape anggo na mate nada dibotosa bagi aha. Nada adong disia upa sanga pamaloson, jana goarnia pe ma pola dihalupahon.

JESAYA 38:1

Laing di hatiha i muse, marnyae ma si Hiskia jana jabat do giot marujung. Ro ma Panurirang Jesaya anak ni si Amos mandapotkon ia jana didok ia ma, “Lehen ma tonamu na parpudi tu keluargamu, harana mate noma ho, nada malum be ho. Nada sadia honok nari, marujung ma ngolu ni raja i.”

BILANGAN 27:12

Didok Tuhan ma tu si Musa, “Manangkok ma ho tu Dolok Abarim, sian i ma tatap luat na giot lehenonKi di halak Israel.

BILANGAN 27:13

Dung ditatap ho ale Musa, mate ma ho songon angkangmu si Harun,

BILANGAN 27:18

Didok Tuhan ma tu si Musa, “Pio ma si Josua, anak ni si Nun. Halak na pistar do i. Ampehon ma tanganmu tu ginjang ulunia.

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

PANGARATAION 31:13

Jadi songon on ma dalanna di angka pomparanmunu na so jungada dope umbege Uhum Ni Tuhan Debatamunu i laho manangihonsa. Jana di na songon i, marsiajar ma halahi mangoloi Tuhan salolot mangolu halahi di tano na so sadia lolot nari be giot buatonmunu di bariba ni Batang aek Jordan.”

PANGARATAION 31:2

ning ia ma, “Saonnari madung marumur au saratus dua pulu taon jana nada lobas au be mamimpin hamu. Boti muse madung didokkon Tuhan na so tariparanku Batang aek Jordan i.

PANGARATAION 31:23

Dung i mangkuling ma Tuhan tu si Josua, anak ni si Nun, ninna ma, “Patogu ma rohamu jana barani! Ho noma mamimpin bangso Israel mamasuhi tano na dung Hujanjihon tu halahi, jana Au ma mandongani ho.”

PANGARATAION 32:50

Anggo ho, Musa, di ginjang dolok i ma marujung ngolumu songon angkangmu si Harun na dung jumolo i di Dolok Hor.

PANGARATAION 34:5

Jadi marujung ma ngolu ni si Musa, naposo ni Tuhan i di tano Moab, laing songon na nidok ni Tuhan i hian.

PANGARATAION 4:22

Nada sadia honok nari taripar ma hamu jana ingananmunu ma tano na napu i, hape anggo au nada dohot be, marujung dison noma ngolungku.

JOSUA 23:14

Saonnari dumpang ma hatihana marujung ngolungku. Hamu sude – pasada-sada – diboto hamu do torang, na dung dilehen Tuhan do sandok na denggan na nijanjihonNia i. Pasada-sada na nijanjihonNia madung dipatulus Ia; umpe sada na so dipatulusSa.

JOSUA 24:1

Dipio si Josua ma sude marga-marga ni bangso Israel anso marlagut di Sikem. Jadi marroan be ma angka hatobangon, pamimpin, panguhum dohot angka panglima ni bangso Israel mangadop tu Debata.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

1 SAMUEL 10:19

Madung Hupalua hamu sian ragam ni parkancitan dohot pardangolan, hape saonnari madung ditulak hamu Au Debatamunu, harana dipangido hamu do anso Hutodo sada raja di hamu. Antong anggo songon i, marlagut ma hamu di jolongKu, Tuhanmu, mangihutkon horong dohot margamunu.’ ”

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.