PANGARATAION 30:3 - BIBEL JAMITA NA DENGGAN

³ jadi gabe ibo ma roha ni Tuhan Debatamunu i mida hamu. ObanonNia ma hamu mangulahi sian angka bangso inganan parserahanmunu i, jana baenonNia ma hamu maduma mangulahi.

PANGARATAION 30:3 ပူးပေါင်းရင်းမြစ်များ

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

PAMUNGKAAN 48:21

Jadi didok si Jakob ma tu si Josep, “Songon na niidamu, donok noma da ajalku; tapi laing donganan ni Debata do hamu jana obanonNa mulak tu luat ni ompungmunu.

1 JUJUR TAON 16:35

Dok ma, “O ale Debata na palua hami, palua jana palagut ma hami mangulahi. Palua ma hami ale Debata, sian rante ni angka bangso panjaja! Pujionnami ma goarMu na badia i, hum tu Ho sajo do sidohononnami tarimakasi.”

NEHEMIA 1:9

Tapi muda mulak hami mangulahi tu Ho jana hami oloi parentaMu, jadi palagutonMu ma hami mangulahi na dung dipaserakMi haru pe hami di angka ujung ni portibi on. Dung i paulahonMu ma hami tu inganan na dung ditodoMi gabe inganan maribadat tu Ho.

JOB 42:10

Salpu i, dung martangiang si Job salaho tu donganna sitolu halak i, dibaen Tuhan ma ia mamora mangulahi jana dilehen tusia dua noli lompit sian sinadongannia najolo i.

MASMUR 107:3

Dipalagut Ia sian angka luat, sian Habincaran dohot sian Hasundutan, sian Utara dohot sian Selatan.

MASMUR 147:2

Mulak ma suang Jerusalem baenon ni Tuhan, obanonNia noma mulak angka halak na tarbuang.

JESAYA 27:12

Di hatiha i, palaguton ni Tuhan ma bangsoNia i pasada-sada sian Batang aek Efrat lopus tu batas ni Mesir. SirangonNia ma halahi songon pamiari ni halak di eme sian lapungna.

JESAYA 43:5

Ulang ho mabiar sanga enek rohamu, angke Au do pangondianmu. Sian Hasundutan dohot sian Habincaran, Husuru marlagut angka pomparanmu.

JESAYA 54:7

“Sangombas do Huhudukkon ho, tapi sian holong ni roha na gok mangulahi Hubuat ho.

JESAYA 56:8

Madung marjanji Tuhan Debata na dung pataruhon Israel bangsoNa i mulak sian habuangan, obanonNia muse do angka bangso na asing anso marsada dohot halahi.

JEREMIA 12:14

Didok Tuhan ma, “On ma tonangKu taringot tu harajaan hombar balok ni Israel na dung manyegohon tano na Hulehen tu bangsongKu Israel. Songon suan-suanan na niumpat sian tano, laing songon i ma angka jolma na jahat i giot paruaronKu sian angka luat ni halahi, jana paluaonKu ma Juda sian tangan ni halahi.

JEREMIA 23:3

Tapi palagut-lagutonKu ma teba-teba ni bangsongKi sian angka luat inganan habuangan ni halahi. ObanonKu ma halahi mulak tu bona bulu ni halahi jana mur mabahat ma pomparan ni halahi.

JEREMIA 29:14

Tutu do, dumpang hamu ma Au. Palagut-lagutonKu ma hamu sian tonga-tonga ni sandok bangso sian ganop luat inganan parserahanmunu dohot habuanganmunu. ObanonKu ma hamu tu tano asalmunu on jana pasuangonKu pangalahomunu. Au Tuhan, madung mandok songon i.’

JEREMIA 31:10

Didok Tuhan do, “Tangihon hamu ma ale angka bangso! Palalu ma tonangKu tu bariba ni laut: BangsongKu na dung Hupaserakkon giot palagutonKu jana pasari-sarionKu songon parmahan na manjago biri-birina.

ANDUNG 3:22

Hot do manongtong holong dohot asi ni roha ni Tuhan,

ANDUNG 3:32

Haru pe dibaen Ia hita susa, tapi nauli basa do anggo Tuhan, hot do holong ni rohaNia marlobi-lobian.

JEHESKIEL 11:17

Au, Tuhan Debata, mandok, sai na palagutonKu do halahi sian angka luat inganan parserahan ni halahi, jana paulahonKu tano Israel tu halahi.

JEHESKIEL 36:24

Sian ganop bangso dohot luat, palagutonKu ma hamu jana paulahonKu tu tanomu sandiri.

JEHESKIEL 39:28

Jadi gabe botoon ni bangsongKi ma Au do Tuhan Debata ni halahi. Angke Au do na manongos halahi tu habuangan tapi laing Au muse do na maroban halahi mulak mangulahi tu tano ni halahi sandiri, jana nada adong sahalak pe sian halahi na tading disi.

MIKA 7:19

Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut!

ZAKARIA 10:9

Haru pe Husursar halahi di tonga-tonga ni angka bangso, laing ingoton ni halahi do Au di adu. Malua do halahi songon i muse angka dakdanakna, jana rap mulak halahi tu tanona.

SURAT NI SI PAULUS TU PARLAGUTAN ROM 11:23

Jana taringot tu halak Jahudi pe, sugari mantak halahi na so ra porsaya i, dilohotkon do halahi muse, angke tuk do gogo ni Debata mangalohotkon halahi mangulahi.

SURAT NI SI PAULUS TU PARLAGUTAN ROM 11:26

Jana i do gabe dalan, anso malua sandok bangso Israel, hombar tu na tarsurat i, “Ro ma sian Sion Sipalua i, sesaonNia ma hajahatan sian pomparan ni si Jakob.

SURAT NI SI PAULUS TU PARLAGUTAN ROM 11:31

Laing tarsongon i do bope halak Jahudi. Saonnari nada ra halahi mangoloi, tapi markite asi ni roha na tu hamu, halahi pe dapotan asi ni roha.

PANGARATAION 13:17

Nada tola simpanonmunu di hamu anggo barang na hona bura, tapi angkon roncohononmunu do i. Jadi gabe mombun ma rimas ni Tuhan jana patuduhononNia ma ibo ni rohaNia tu hamu. Basa ma rohaNia tu hamu jana baenonNia ma hamu gabe bangso na godang, songon na nijanjihonNia tu ompumunu,

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.