PANGARATAION 30:2 - BIBEL JAMITA NA DENGGAN

² Muda giot mulak hamu dohot pomparanmunu tu Tuhan, jana sian sandok rohamunu giot mangoloi angka parentaNia na hulehen tu hamu sadari on,

PANGARATAION 30:2 ပူးပေါင်းရင်းမြစ်များ

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

1 JUJUR TAON 29:9

Sian na nionjar ni rohana diparleheni jolma i ma tu Tuhan jana jop do roha ni halahi hara ni na dung bahat dihaulkon halahi. Raja Daud pe, i noma jop ni rohania.

2 JUJUR TAON 30:9

Muda dirohahon hamu Tuhan, gabe maribo ni roha ma angka halak na maroban koum sisolkotmunu tu habuangan i jana suruonna ma halahi mulak mangulahi. Debata na burju jana paribo roha do Tuhan Debatamunu i; ParrohahononNia do hamu muda diparrohahon hamu Ia.”

NEHEMIA 1:9

Tapi muda mulak hami mangulahi tu Ho jana hami oloi parentaMu, jadi palagutonMu ma hami mangulahi na dung dipaserakMi haru pe hami di angka ujung ni portibi on. Dung i paulahonMu ma hami tu inganan na dung ditodoMi gabe inganan maribadat tu Ho.

MASMUR 119:2

Martua ma halak na mangihutkon parentaNia, jana na manggogo sian sandok rohana mananda Tuhan.

MASMUR 119:80

Sai ulang nian manyimbil rohangku sian hatontuanMu, anso ulang au marmalu-malu.

MASMUR 41:12

Diurupi Ho do au hara ni bulus ni rohangku, jana dibaen Ho au mangolu rap dohot Ho sapanjangna.

JEREMIA 29:13

Jalahanmunu ma Au, jana dumpang hamu, dibaen sian sude rohamunu noma jalahanmunu Au.

JEREMIA 3:10

Dung dipambaeni sudena i, dipaula-ula Juda na so setia i ma mulak tu Au, tapi nada sian bagasan rohania na giot mulak i. Au, Tuhan, madung mandok songon i.”

JEREMIA 36:3

Betak na ra do halak Juda mantak mambaen na jahat muda dibege halahi taringot tu sude parmaraan na giot dondonkononKu tu halahi. Jadi ampunanKu do dosa dohot hajahatan ni halahi.”

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

ANDUNG 3:32

Haru pe dibaen Ia hita susa, tapi nauli basa do anggo Tuhan, hot do holong ni rohaNia marlobi-lobian.

ANDUNG 3:40

Denggan ma da hita tangkasi ngolunta jolo, jana mulak ma hita tu Tuhan Debatanta.

JEHESKIEL 6:9

Disi, di tonga-tonga ni angka bangso, tu dia halahi na tartaban i dioban, angka halak na malua sian tonga-tongamunu angkon mangingot Au. PaulakonKu do muse roha ni halahi na markarosuan i, na dung mandao sian Au jana manundali halahi, na tongtong markarosuan mangihutkon gana-ganaan ni halahi, dung i gabe goyak ma roha ni halahi mida dirina sandiri hara ni sude hajahatan dohot hajorbutan ni halahi.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

HAMALIMON 26:40

Tapi anggo pomparanmu dioku halahi do dosa ni halahi sandiri dohot dosa ni ompu ni halahi, na dung mardosa hara ni na dialo halahi Au,

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

2 KORINTUS 3:16

Tapi muda ro mangulahi sanga ise mandapotkon Tuhan, nibuat do panggupgupi i sian bohi ni halakna i.

EPESUS 6:24

Sai dipasupasu Debata ma hamu angka dongan sudena na mangkaholongi Tuhanta Jesus Kristus mardongan holong ni roha na so muba-uba.

PANGARATAION 13:3

ulang ma lehen hamu saotik pe rohamunu tusi. Na nipake ni Tuhan Debatamunu do halakna i laho manguji hamu laho marnida sanga na tutu situtu do sian sandok roha dihaholongi hamu Tuhan.

PANGARATAION 6:5

Haholongi ma Tuhan Debatamu sian sude rohamu, sian sude tondimu dohot sian sude gogomu.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.