PANGARATAION 30:17 - BIBEL JAMITA NA DENGGAN

¹⁷ Tapi muda nada ra hamu mangoloi dohot manangihon jana dipadiar hamu dirimunu dililuhon laho mamele tu angka debata na asing,

PANGARATAION 30:17 ပူးပေါင်းရင်းမြစ်များ

1 RAJA-RAJA 11:2

Hape madung ditonahon Tuhan na so tola anggo halak Israel marsibuatan dohot angka bangso na asing i, harana gabe dohot do halak Israel baenon ni i mangkaholongi angka debata na asing i. Hape, laing dipambuati si Salomo do angka boru na asing i.

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

PODA 14:14

Halak na jahat mamutik batu ni hajahatan, halak na denggan mamutik batu ni hadengganan.

BILANGAN 32:15

Hamu halak Ruben dohot halak Gad, muda aloonmunu Tuhan i saonnari, tinggalkonon ni Tuhan i ma bangso on di halongonan, patundamunu do ro hasusaan i.”

PANGARATAION 11:16

Ulang patola hamu dirimunu dipadao sian Tuhan laho marsomba dohot mangoloi tu angka debata na asing.

PANGARATAION 17:17

Nada tola bahat dadaboru ni raja, anso ulang dililuhon ia sian Tuhan. Nada tola muse ia pamorahon dirina marhite perak dohot sere.

PANGARATAION 30:16

Muda holong rohamunu tu Tuhan Debatamunu jana mangoloi hamu tuSia bope diihutkon hamu sandok uhum dohot parentaNia na hulehen tu hamu sadari on, gabe dapot hamu ngolu na sonang, jana gabe bangso na sonang. Pasupasuon ni Tuhan Debata ma hamu di tano na so sadia honok nari be giot siingananmunu.

PANGARATAION 30:18

ingot hamu ma na hupaingot hamu sadari on: mago ma hamu. Nada maginjang umurmunu di tano na di bariba ni Batang aek Jordan na so sadia lolot nari be giot buatonmunu.

2 TIMOTEUS 4:4

Dipahusor halahi do pinggol ni halahi sian na sintong, tapi patinggilon ni halahi do i tu angka turiturian na so tutu.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

JOSUA 22:15

Jadi lalu ma halahi mandapotkon angka halak na sian Marga Ruben, Gad dohot Manase Parhabincaran di tano Gilead.

1 SAMUEL 12:21

Ulang antong ihutkon hamu angka debata na so tarbaen mangurupi dohot paluahon hamu, angke na so tutu do adong halahi.

1 SAMUEL 12:25

Tapi muda sai dipupu hamu do mambaen dosa, mago do hamu dohot rajamunu.”