PANGARATAION 30:15 - BIBEL JAMITA NA DENGGAN

¹⁵ Sadari on bolas ma pilionmunu hangoluan dohot na denggan, hamatean dohot hasusaan.

PANGARATAION 30:15 ပူးပေါင်းရင်းမြစ်များ

PAMUNGKAAN 2:17

asing sian hayu na mangalehen parbinotoan taringot tu na denggan dohot na jahat. Nada tola panganonmu batuna i; muda dipangan ho i, mate ma ho laing di na sadari i.”

PODA 12:28

Hasintongan do dalan tu hangoluan; tapi tu hamatean do dalan ni na jahat.

JESAYA 1:19

Muda ra hamu burju mangoloi Au, daionmunu do sandok na denggan suha ni tanomunu i.

JEREMIA 21:8

Dung i disuru ma au mandok tu bangso i songon on, “Tangihon! Au Tuhan, mangalehen tu hamu sada sipilion: Dalan na manuju tu hangoluan sanga dalan na manuju tu hamatean.

JEREMIA 42:21

Saonnari madung hupalalu tu hamu tona ni Tuhan Debatanta i, hape nada ra hamu mangoloisa.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

MARKUS 16:16

Malua ma angka na porsaya jana na nididi. Tapi anggo halak na so ra porsaya hona uhum do.

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

PANGARATAION 11:26

Sadari on hulehen di hamu sada ombas laho mamili pasupasu sanga bura.

PANGARATAION 30:1

“Saonnari bolas ma pilionmunu pasupasu sanga bura. Muda dung tarjadi sudena i tu dirimunu, jana maringanan di tonga-tonga ni angka bangso na asing hamu di inganan parserahanmunu dibaen Tuhan, tarsingot ma hamu di sipilion na hulehen tu hamu.

PANGARATAION 30:14

Nada! Dison, di hamu sandiri do hata i. Diboto jana tarenet hamu do i, antong oloi hamu ma i saonnari.

PANGARATAION 30:19

Saonnari bolas ma pilionmunu, hangoluan sanga na hamatean, pasupasu ni Tuhan sanga na buraNia. Langit dohot tano hupio gabe saksina di haputusan sibaenonmunu. Antong pili hamu ma hangoluan.

PANGARATAION 32:47

Nada hata na rumar angka pangajaran on, tapi hangoluan do. Oloi hamu ma sude pangajaran i, anso ginjang umurmunu di tano na so sadia lolot nari be buatonmunu, di bariba ni Batang aek Jordan i.”

1 JOHANNES 3:23

Anggo na niparentahonNia tu hita, on do: Angkon tahaporsayai do AnakNia i, i ma Jesus Kristus; jana angkon marsihaholongan do hita sama hita songon na niparentahon ni Kristus tu hita.