PANGARATAION 30:13 - BIBEL JAMITA NA DENGGAN

¹³ Nada di bariba ni laut muse ingananna. Indangkon pola marsapa hamu, ‘Ise ma he na manaripari laut i dohot na marobansa tu hita anso tarbaen hita manangihon dohot mangoloisa?’

PANGARATAION 30:13 ပူးပေါင်းရင်းမြစ်များ

PODA 16:6

Setia jana porsaya ma ho, gabe sesaon ma dosamu, jana oloi ma Tuhan anso dao ma hajahaton sian ho.

PODA 8:11

Angke ummarga do habisuhon sian permata; nada tarpatudos tusi bagi aha diparhagiot jolma.

MATEUS 12:42

Saulahon di Ari Paruhuman i, jongjong do raja dadaboru na sian Selatan i adop bangso on, mandabu uhuman tu halahi. Harana, songon i ma daona na mardalan i ia, ma pola sian ujung ni tano on, laho manangihon pangajaran ni si Salomo na bisuk i sajo do. Hape gumodang dope na dison i sian si Salomo!”

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

BAENON NI ANGKA RASUL 10:22

Dialusi halahi ma, “Na nisuru ni kapten Kornelius do hami tuson. Halak na burju do ia jana mabiar mida Debata, boti sangap do ia dibaen halak Jahudi. Na ro do sahalak surusuruan na badia marsuru ia mangidohon anso ro tuan i tu bagasnia, angke giot begeonnia jamita sian ho.”

BAENON NI ANGKA RASUL 10:33

Hara ni i do umbaen na husuru manigor halak mangalap tuan i. Jana songon i ma burju ni rohamu ro tuson. Saonnari madung lagut hami dison, di adopan ni Debata laho umbege sudena na nitonahon ni Tuhan tu ho.”

BAENON NI ANGKA RASUL 16:9

Bornginna i di Troas diida si Paulus ma ro sada halak Makedonia jongjong di jolonia mangido dohot gomos anso taripar ia tu Makedonia mangurupi halahi.

PANGARATAION 30:12

Nada di langit ingananna. Indangkon pola marsapa hamu, ‘Ise ma na manaek tusi dohot na marobansa mijur di hita, anso tarbaen hita manangihon dohot mangoloisa?’

PANGARATAION 30:14

Nada! Dison, di hamu sandiri do hata i. Diboto jana tarenet hamu do i, antong oloi hamu ma i saonnari.