PANGARATAION 3:28 - BIBEL JAMITA NA DENGGAN

²⁸ Lehen ma panogu-noguon tu si Josua. Pasobar rohania, angke ia do na giot mamimpin bangso i tu bariba laho mambuat tano na niidami.’

PANGARATAION 3:28 ပူးပေါင်းရင်းမြစ်များ

1 JUJUR TAON 22:6

Dipiohon si Daud ma anaknia si Salomo jana disuru ia ma pajongjongkon Bagas Ni Tuhan Debata na nisomba ni halak Israel.

1 JUJUR TAON 28:20

Dung salpu i didok Raja Daud ma muse tu si Salomo anakna i, “Ulang ho mabiar, pos ma rohamu. Pungka ma karejo i jana ulang ho gamang sanga na maradopkon aha pe. Urupan ni Tuhan Debata na husomba i do ho. Nada tadingkononNia ho. Sai na dongananNia do ho lopus sidung dibaen ho sude karejo i.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

BAENON NI ANGKA RASUL 7:45

Dung i sai dipaoban-oban angka ompunta i ma undung-undung i di na kehe halahi dohot si Josua mangarampas luatta on sian tangan ni angka bangso na niayak ni Debata di jolo ni halahi. Laing disi ma undung-undung i lopus tu hatiha ni si Daud.

PANGARATAION 1:37

Patunda ni hamu muse, gabe muruk ma Tuhan tu au, didok do, ‘Ho pe Musa, nada masuhanmu luat i.

PANGARATAION 1:38

Tapi patogu ma roha ni pangurupimu si Josua anak ni si Nun i. Harana ia noma na sahat tusi jana na giot mamimpin Israel mambuat tano i.’

PANGARATAION 31:23

Dung i mangkuling ma Tuhan tu si Josua, anak ni si Nun, ninna ma, “Patogu ma rohamu jana barani! Ho noma mamimpin bangso Israel mamasuhi tano na dung Hujanjihon tu halahi, jana Au ma mandongani ho.”

PANGARATAION 31:3

Tuhan Debatamu sandiri ma mardalan di jolomunu dohot na mangabiskon angka bangso na maringan disi, anso laing tarbaen hamu mambuat tano ni halahi i. Si Josua ma mamimpin hamu, songon na nidok ni Tuhan i.

PANGARATAION 31:7

Dung i dipio si Musa ma si Josua, jana di jolo ni sude bangso Israel i didok si Musa ma tusia, “Sai pos ma rohamu jana barani, ale Josua! Ho noma na mamimpin bangso on laho mambuat tano na dung dijanjihon ni Tuhan i tu ompu ni halahi.

IBRANI 4:8

Sugari na dung dioban si Josua angka jolma i masuk tu inganan na giot lehenon ni Debata gabe paradianan ni halahi, tontu nada pola taringotan ni Debata be sada ari na asing.

JOSUA 1:2

Didok Tuhan ma, “Madung marujung ngolu ni naposongKu si Musa. Saonnari markobas ma ho dohot sude bangso Israel laho manaripari Batang aek Jordan dohot mamasuhi tano na giot lehenonKu di halahi.