PANGARATAION 3:27 - BIBEL JAMITA NA DENGGAN

²⁷ Kehe ma ho tu puncut ni Dolok Pisga jana tatap ma tu Utara dohot tu Selatan, tu Habincaran dohot tu Hasundutan. Tangkas ma parrohahon na niidami, angke anggo ho, indangkon na dohot be ho manaripari Batang aek Jordan.

PANGARATAION 3:27 ပူးပေါင်းရင်းမြစ်များ

BILANGAN 20:12

Dung i mangkuling ma Tuhan tu si Musa dohot tu si Harun, ninna ma, “Hara ni naso porsaya hamu di hatangKu jana ganggu hamu patidahon kuasongKu na badia i di jolo ni halak Israel, gabe nada hamu be maroban halahi tu tano na Hujanjihon tu halahi.”

BILANGAN 23:14

Jadi dioban si Balak ma si Bileam tu Zopim, di puncut ni Dolok Pisga. Disi pe dipajongjong ia muse pitu langgatan jana dihaulkon ia sada lombu jantan, sada biri-biri jantan di ganop langgatan i.

BILANGAN 27:12

Didok Tuhan ma tu si Musa, “Manangkok ma ho tu Dolok Abarim, sian i ma tatap luat na giot lehenonKi di halak Israel.

PANGARATAION 1:37

Patunda ni hamu muse, gabe muruk ma Tuhan tu au, didok do, ‘Ho pe Musa, nada masuhanmu luat i.

PANGARATAION 31:2

ning ia ma, “Saonnari madung marumur au saratus dua pulu taon jana nada lobas au be mamimpin hamu. Boti muse madung didokkon Tuhan na so tariparanku Batang aek Jordan i.

PANGARATAION 32:49

“Kehe ma ho tu partoran Abarim na di Luat Moab di bariba ni Jeriko. Manangkok ma ho tu Dolok Nebo jana tatap ma tano Kanaan na so sadia lolot nari be giot pasahatonKu tu bangso Israel.

PANGARATAION 32:52

Jadi hara ni i, nada tola ho masuk tu tano na giot silehenonKu tu bangso Israel; hum manatap sian na dao do ho na tola.”