PANGARATAION 3:22 - BIBEL JAMITA NA DENGGAN

²² Ulang ho mabiar tu halahi, angke Tuhan Debatamu do na giot marporang di ho.’ ”

PANGARATAION 3:22 ပူးပေါင်းရင်းမြစ်များ

2 JUJUR TAON 13:12

Debata sandiri do anggo pamimpinnami jana dison do angka malimNia. Ma pola rade halahi laho mangombus sarune songon tandana di hami laho mamorangi hamu. O, hamu halak Israel, ulang alo hamu Tuhan, Debata ni ompumunu! Nada bolas monang hamu!”

2 JUJUR TAON 20:17

Nada pola porlu hamu martempur di porang on. Jongjong sajo ma hamu songon i di inganan ni parkarejoanmunu jana painte hamu ma disi. Idaonmunu ma Tuhan mangalehen hamonangan di hamu. O hamu halak Juda dohot Jerusalem, ulang hamu gamang sanga na mabiar. Masuhi hamu sajo ma songon i parporangan i, tolongon ni Tuhan do hamu!”

2 JUJUR TAON 20:29

Mabiar ma sude bangso na asing umbege sanga na bia pambaen ni Tuhan manaluhon angka musu ni Israel i.

NEHEMIA 4:20

Jadi muda dibege hamu sora ni sarune, manigor marlagut ma manghaliangi hami dison. Debatanta do na giot marporang humopkop hita.”

MASMUR 44:3

Diingani halahi pe tano i nada i hara ni podang; nada hara ni gogona sandiri halahi umbaen na monang, tapi hara ni kuaso dohot sinondang ni bohiMu, na patandahon holong ni rohaMu maradopkon bangsoMu.

HARURUAR 14:14

Tuhan do marporang humopkop hamu, jana nada porlu sanga aha baenonmunu.”

HARURUAR 14:25

Marsangkotan ma dibaen Ia angka roda ni kareta i, jadi gabe maol ma mardalan. Ninna halak Mesir i ma, “Tuhan do marporang di halak Israel mangalo hita. Beta ma hita morot sian on!”

BILANGAN 21:34

Didok Tuhan ma tu si Musa, “Ulang pola habiari i. Monang do ho baenonKu. Taluhononmu ma ia dohot sude rayat na di luatna i. Baen ma tusia songon na nibaenmu tu Raja Sihon na mangarajai Hesbon.”

PANGARATAION 1:30

Tuhan Debatamunu do mamimpin hamu dohot marporang humopkop hamu songon na dung niidamunu sandiri di Mesir

PANGARATAION 20:1

“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.

PANGARATAION 20:4

Kehe do Tuhan Debatamunu mandongani hamu jana lehenonNia do hamonangan di hamu.’

PANGARATAION 3:21

Dung i hudok ma tu si Josua, ‘Madung diida ho sandok na nibaen ni Tuhan Debatamu maradopkon si Sihon dohot si Og raja na dua i. Songon i muse ma baenonNia tu sandok raja na nirampasmunu tanona.

PANGARATAION 3:23

“Hupangidohon do di hatiha i tu Tuhan,

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

JOSUA 23:10

Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i.