PANGARATAION 3:11 - BIBEL JAMITA NA DENGGAN

¹¹ Hum Raja Og noma, na mangolu sian halak Refaim. Sian batu do dibaen poti ni bangkena, opat meter ginjangna, jana bidangna mardonok dua meter mamake suhat-suhat na somal. Lopus saonnari tarida dope i di Raba, kota ni halak Amon.)

PANGARATAION 3:11 ပူးပေါင်းရင်းမြစ်များ

PAMUNGKAAN 14:5

Di taon paopat-bolaskon ro ma si Kedorlaomer rap dohot angka donganna mardongan angka soridadu ni halahi jana ditaluhon halahi ma halak Refaim di Asterot Karnaim, halak Zusim di Ham, halak Emim di Siawe Kiryataim,

PAMUNGKAAN 6:15

Angkon adong ma ginjangna 133 meter baenonmu, bidangna 22 meter jana gincatna 13 meter.

2 SAMUEL 11:1

Somalna sai di musim bunga do angka raja kehe marporang. Jadi dung salpu taon baru di taon i disuru si Daud ma si Joab kehe mamorangi rap dohot angka donganna parpangkat dohot sude tentara ni Israel i; dung i ditaluhon halahi ma halak Amon jana dihobuk halahi ma kota Raba. Tapi anggo si Daud, tinggal do di Jerusalem.

2 SAMUEL 12:26

Marporang dope di hatiha i anggo si Joab mangalo Raba kota sabungan ni Luat Amon jana dirampas ia ma kota hundulan ni harajaan i.

JEREMIA 49:2

Tapi dapot do i hatihana baenonKu halak na mangingani Raba, kota sabungan ni Luat Amon i, umbege surak-surak ni parporangan. Gabe tading sego-segona noma kota i jana angka huta pagaran na humaliang i pe abis masurbu. Dung i buaton ni halak Israel ma mangulahi tanona i sian angka jolma na mangarampassa na salpu i.

JEHESKIEL 21:20

Gambar ma sian dalan dia haroro ni podang i mangalo Raba kota ni Amon, jana mangalo Juda, na marbenteng di Jerusalem.

JEHESKIEL 25:5

PaubaonKu ma kota Raba gabe parmahanan ni unto, jana tano Amon sudena Hubaen gabe inganan parmahanan ni biri-biri. Jadi gabe botoonmunu ma Au do Tuhan.’ ”

AMOS 1:14

Hara ni i, tongosonKu ma api tu angka tembok ni kota Raba, jana surbuonKu lopus abis angka bentengna i. Tarbege ma disi hagaoron ni sora ni porang, jana mur jebu ma porang i songon pangalingkup ni ombak.

AMOS 2:9

Haru songon i pe ale bangsongKu, hara ni hamu do umbaen na Huabisi halak Amori na ginjang-ginjang i songon bona ni tusam dohot na gogo-gogo i songon bona ni sampinur.

PANGARATAION 2:11

Laing songon halak Anakim, digoari halak muse do halahi, halak Refaim. Tapi anggo halak Moab, digoar do halahi halak Em.

PANGARATAION 2:20

Tarbarita muse do luat i tano Refaim, i ma goar ni bangso na mangingani i najolo; muda halak Amon mandok goar ni halahi, halak Zamsumim.

JOSUA 12:4

Raja na nitaluhon ni angka halak Israel muse, i ma Raja Og na sian tano Basan, na maringanan di Astarot dohot Edrei. Halak na tinggal sian bangso Refaim do ia.

JOSUA 13:12

Laing dohot muse do masuk tu luat ni halahi, tano ni Raja Og, halak Refaim na parpudi mamarenta di Astarot dohot Edrei. Madung talu dibaen si Musa angka bangso i jana diusir ia halahi morot sian luat ni halahi i.

HALUMBAAN 21:17

Dompak na marsuhat tembokna i surusuruan i, dapot ma gincatna 60 meter. Suhat-suhat ni jolma do na nipake ni surusuruan i.

1 SAMUEL 17:4

Jadi haruar ma sada bayo na margoar si Goliat sian parbandaran ni Pilistin i laho mangalap-alapi halak Israel. Ginjangna adong do hira-hira tolu meter,