PANGARATAION 29:9 - BIBEL JAMITA NA DENGGAN

⁹ Jadi sai burju ma hamu antong mangoloi sude hata na sian parjanjian on anso mardohar hamu di sude na nibaenmunu.

PANGARATAION 29:9 ပူးပေါင်းရင်းမြစ်များ

1 RAJA-RAJA 2:3

Patulus ma sanga aha na niparentahon ni Tuhan Debatamu tu ho. Oloi ma sude tona dohot angka parentaNia na tarsurat di buku ni si Musa, anso sai maruntung ho sanga tudia pe ho kehe dohot di sude sanga aha na nikarejohonmu.

2 JUJUR TAON 20:13

Jadi laing marjongjongan ma sude angka halaklahi ni Juda i rap dohot angka dadaboruna maradu angka dakdanak ni halahi di jolo ni Bagas Ni Debata i.

2 JUJUR TAON 31:21

Marhasil do ia hara ni sude na nibaennia tu Bagas Ni Debata sanga na nibaennia laho mangoloi Tona Ni Tuhan, dibaen ia do sian situtu ni rohania hara ni holong ni rohania tu Tuhan Debatania.

MASMUR 25:10

Tu halak na patulus parjanjian dohot aturanNia dibaen Ia holong ni roha dohot habonaranNia.

JEREMIA 50:5

Sapaan ni halahi ma dalan tu Sion, lalu mardalan ma halahi sabola tusi. Baenon ni halahi ma parjanjian na hot dohot Au jana nada langgaron ni halahi janji i.

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

PANGARATAION 29:1

On ma hata ni parjanjian na niparentahon ni Tuhan baenon ni si Musa dohot bangso Israel taran di tano Moab halahi. Songon tamba ni parjanjian na nibaen ni Tuhan dohot halahi na di Dolok Sinai do parjanjian on.

PANGARATAION 29:10

Sadari on jongjong do hamu sude di adopan ni Tuhan Debatamunu, sude pamimpin dohot parkarejo, sude halaklahi,

PANGARATAION 31:12

Suru ma marlagut sude halaklahi, dadaboru dohot dakdanak, dohot halak sileban na maringanan di hutamunu laho manangihon anso marsiajar halahi pasangapkon Tuhan Debatamunu, dohot manghaburjuhon mangoloi angka pangajaranNia.

PANGARATAION 4:6

Patutna ma nian setia hamu patuluskon sude aturan i. Muda dibaen hamu songon i, nalnal ma abisuhonmunu maradopkon angka bangso na asing i. Muda dibege halahi taringot tu angka aturan i, dokkonon ni halahi ma, ‘Na bisuk jana na pistar ma da antong bangso na godang on!’

PANGARATAION 5:3

nada hum tu angka ompunta i, tapi dohot do tu hita na mangolu di ari sadari on.

JOSUA 1:7

Hum on do, sai marpos ni roha ma ho jana togu. Ingot ma ho laho mangoloi sadenggan-dengganna sandok uhum na nilehen ni si Musa naposongKu tu ho. Ulang layas rohamu saotik pe di angka uhum i, anso maruntung ho sanga tudia pe ho kehe.

JOSUA 1:8

Parrohahon ma denggan anso sai tongtong disise buku niuhum i ganop maribadat hamu. Parsiajari ma buku i arian dohot borngin jana dalankon ma sude na tarsurat di bagasan buku i ulang parlayas. Muda dipatulus ho sudena i, sonang ma ngolumu jana maruntung.

JOSUA 24:1

Dipio si Josua ma sude marga-marga ni bangso Israel anso marlagut di Sikem. Jadi marroan be ma angka hatobangon, pamimpin, panguhum dohot angka panglima ni bangso Israel mangadop tu Debata.

JOSUA 8:35

Pasada-sada sude parenta ni si Musa na tarsurat di bagasan Buku Tona Ni Tuhan i disise si Josua tu sandok halak na marlagut disi, dohot ma disi angka dadaboru, angka dakdanak, dohot angka halak sileban na tinggal di tonga-tonga ni halak Israel.