PANGARATAION 29:4 - BIBEL JAMITA NA DENGGAN

⁴ Tapi lopus tu sadari on laing nada podo dilehen Ia pangastuion di hamu taringot tu sude na nialamanmunu i.

PANGARATAION 29:4 ပူးပေါင်းရင်းမြစ်များ

HARURUAR 16:35

Manna i ma gabe panganon ni halak Israel, opat pulu taon honokna, lopus bolkas halahi tu Kanaan, inganan na hot di halahi. (

PODA 20:12

Dilehen Tuhan do di hita mata laho mangaligi, dohot pinggol laho marbinege.

JESAYA 63:17

Biasi dipadiar Ho lilu hami? Biasi dipajogal Ho rohanami gabe nada ra mangoloi? Mulak ma Ho ale Tuhan, hara ni angka naposoMu, hara ni bangsoMu sian narobi nampunaMu.

JEHESKIEL 12:2

“Ale anak ni jolma, di tonga-tonga ni bangso pangalo do ho maringanan. Marmata do halahi, tapi nada marnida; marpinggol do nian tapi nada marbinege, angke sai na mangalo do giot ni halahi.

JEHESKIEL 36:26

Jadi Hulehen ma roha na imbaru dohot pikiran na imbaru gontionKu ma rohamunu na pir songon batu, jana lehenon roha pangoloion.

JOHANNES 8:43

Hara ni aha dehe umbaen na so diastui hamu na Hudok i? Angke nada tahan hamu umbege pangajaranKi.

2 KORINTUS 3:15

Saonnari pe muda disise halahi angka buku ni si Musa laing ditutupi panggupgupna i dope roha ni halahi.

EPESUS 4:18

Madung manggolap pikiran ni halahi. Umpe ditanda halahi be hangoluan na nilehen ni Debata, angke nada adong be parbinotoan di halahi sanga aha taringot tu Debata. Halak si jogal roha do halahi umbaen na songon i.

PANGARATAION 2:30

Hape nada ra Raja Sihon patolahon hita mamolus tanonia i. Madung dipapir Tuhan Debatamunu i rohania jana papuluk-pulukkon, anso tartaluhon hita ia jana tabuat luatnia i. Laing hita do mangingani luat i lopus saonnari.

PANGARATAION 2:7

Ingot hamu ma sanga songon dia pamasumasu ni Tuhan Debatamunu di hamu di bagasan sasude na nibaenmunu. Madung diparmudu-mudu Ia hamu salolot na madang-adang mamolus parhorsihan na bolak i. Madung didongani Ia hamu di na opat pulu taon on jana dipasingkop Ia sandok na hasaya di hamu.

2 TIMOTEUS 2:25

Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.