PANGARATAION 29:29 - BIBEL JAMITA NA DENGGAN

²⁹ Adong do sanga na piga pangalaho na nitabunihon ni Tuhan Debatanta; tapi anggo UhumNia madung nian dipatangkas Ia tu hita, jana angkon oloanta do i dohot pomparanta salolot-lolotna.”

PANGARATAION 29:29 ပူးပေါင်းရင်းမြစ်များ

PAMUNGKAAN 41:16

Ninna si Josep ma mangalusi, “Nanggo au da rajanami, tapi Debata do na giot mangalehen hatorangan na tumbuk.”

JOB 28:28

Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

PODA 25:2

Marmulia do Debata hara ni angka na nirahasiahonNa; raja dipasangap hara ni angka na tarpatorangsa.

PODA 3:32

angke sogo do roha ni Tuhan mida halak na mambaen na jahat, tapi dipatulus Ia do sangkap ni halak na tigor.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

JEREMIA 23:18

Au mandok, sahalak pe nada adong sian angka panurirang i na umboto sanga aha na adong di bagasan roha ni Tuhan. Nada adong sian halahi na unjung umbege dohot na umboto angka sangkap ni Tuhan; nada adong muse na mamparrohahon sanga manerge angka hata na nidokNia.

DANIEL 2:22

Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

DANIEL 4:9

“Ale Beltsasar, pamimpin ni angka halak na marilmu, huboto do na nirajaan ni tondi ni angka debata na badia ho, jadi nada adong rahasia na buni di ho. Tangihon ma nipingkon jana patorang ma astuanna.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

MATEUS 13:11

Dialusi Jesus ma, “Harana, tu hamu do por roha ni Debata paboahon sitabunian ni harajaanNia. Anggo tu na asing i, nada.

MATEUS 13:35

Jadi hara ni na songon i, tulus ma tarjadi hata ni panurirang, na mandok songon on, “Marumpama do Au muda mangkatai dohot halahi; giot paboaonKu angka pangalaho na so habotoan dope mamungka sian hajajadi ni portibi on.”

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

JOHANNES 21:22

Ninna Jesus ma mangalusi, “Muda jop rohangKu laing mangolu ia lopus ro Au mangulahi, ahana ma i di ho. Salaku ihutkon ma Au!” ninna Jesus.

JOHANNES 5:39

Diparsiajari hamu do nian Buku Na Badia i angke dipikir hamu dapot hamu ma hangoluan na so mantak i muda dung diparsiajari hamu i. Jana Buku Na Badia i sandiri pe disaksihon i do taringot tu Au!

BAENON NI ANGKA RASUL 1:7

Dialusi Jesus ma, “Damang do na umboto taringot tu ari dohot hatiha ni i. Nada porlu botoonmunu i, angke kuaso ni Damang do i.

BAENON NI ANGKA RASUL 17:11

Umburju do roha ni halak Berea ulang pado halak na di Tessalonika. Jop do roha ni halahi umbege barita taringot tu Jesus, jana ganop ari do dipareso-reso halahi Buku Na Badia i laho patangkaskon sanga na tutu do na niajarkon ni si Paulus.

1 KORINTUS 2:16

Harana, “Ise ma he na umboto roha ni Tuhan, sanga ise ma he na mamodai Ia?” Tapi di hita do roha ni Kristus i.

PANGARATAION 30:2

Muda giot mulak hamu dohot pomparanmunu tu Tuhan, jana sian sandok rohamunu giot mangoloi angka parentaNia na hulehen tu hamu sadari on,

PANGARATAION 6:7

Ajarkon hamu ma i tu angka dakdanakmunu. Hobar-hobari hamu ma i di bagasan bagasmunu dohot di ruar ni bagas, di na maradian dohot di na markarejo.

2 TIMOTEUS 1:5

Taringot do tu rohangku situtu ni haporsayaanmu tu Kristus, sarupa tu haporsayaan ni ompungmu si Lois dohot inanta si Eunike. Jana au pe pos do rohangku, laing songon i muse haporsayaanmu.

2 TIMOTEUS 3:16

Sudena na tarsurat di Buku Na Badia i na nituturkon ni Debata i, na marguna do i laho mangajarkon na sintong, manggorahon dohot paturehon na sala bope laho mangajari jolma anso mangolu di bagasan hatigoran.