PANGARATAION 29:28 - BIBEL JAMITA NA DENGGAN

²⁸ Ma pola marsijongjong rimas ni Tuhan maradopkon bangsoNia i, jana di bagasan rimasNia na jorbut i, diumpat Ia ma bangso Israel sian tano ni halahi i lalu diambungkon halahi tu tano sileban, jana disi ma halahi saonnari maringanan.’

PANGARATAION 29:28 ပူးပေါင်းရင်းမြစ်များ

1 RAJA-RAJA 14:15

Uhumon ni Tuhan ma Israel lopus marlapat-lapat songon arung na di batang aek. Buaton ni Tuhan ma halak Israel sian luat na denggan on na nilehenNa tu ompu ni halahi. Sarsarkonon ni Tuhan ma halahi di ipar ni Batang aek Efrat, hara ni na nipagilap-gilap ni halahi muruk ni rohaNia di na nibaen ni halahi angka patung ni debata boru-boru Asera.

2 RAJA-RAJA 17:18

jana nada dipardulihon be halahi, tapi diambungkon noma halahi sian tano na nilehen ni Tuhan tu halahi. Hum harajaan Juda noma na tinggal.

2 RAJA-RAJA 17:23

Lopus di ujungna nada diparrohahon Tuhan be halahi, tapi diambungkon noma halahi sian tano na nilehenNa di halahi. Tulus do i tarjadi laing songon na nipaingotkon ni Tuhan markite-hite angka naposoNia i, i ma angka panurirang. Songon i ma halak Israel dioban tu habuangan di Asur jana disi ma halahi tinggal lalu tu sadari on.

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

2 JUJUR TAON 7:20

gabe paruaronKu ma hamu sian luat na dung Hulehen on tu hamu. Bagas on pe na dung Hutotopkon gabe inganan maribadat tu Au, tinggalkononKu ma. Sanga na di dia pe layasan ma bagas paribadatan on jana gabe sipartataan.”

ESRA 9:7

Mamungka sian zaman ni angka ompunami lopus saonnari, sai mardosa do hami bangsoMon tu Ho. Patunda ni i ma umbaen na talu hami, angka rajanami dohot angka malimnami dibaen angka raja na asing i. Hona bunu hami, disamun dohot dihaldung gabe taban. Madung dipalayas hami marabis-abis, songon pangalaho na masa di ari sadari on.

MASMUR 52:5

Tapi roncohonon ni Debata do ho muse salolot-lolotna; sian bagasmu ho tangkupon jana saratonNia, jana tu inganan ni na mate ma ho paimbaronNa.

MASMUR 78:2

Giot dokkononku ma pandohan dohot umpama, patorangonku ma torkan-torkanan sian narobi.

PODA 2:22

Tapi anggo halak na jahat dohot parjehe paruaron do sian luat on, songon duhut na niumpat sian tano.

PODA 25:2

Marmulia do Debata hara ni angka na nirahasiahonNa; raja dipasangap hara ni angka na tarpatorangsa.

JEREMIA 42:10

‘Muda giot hot do hamu maringanan di luat on, angkatonKu ma hamu jana nada dabuhononKu; pajongjongonKu ma hamu, jana nada runcurhononKu. Marsak sajo do Au hara ni na dung Hupamasa hamamago tu hamu.

JEHESKIEL 19:12

Hape diumpat tangan na muruk ia lalu disampakkon tu tano noma. Mangombus ma alogo Habincaran, mambaen malos batuna taran hajegesanna. Masopak dangkana i gabe mahiang lalu nitutungan.

JEHESKIEL 19:13

Saonnari disuan ma ia di parhorsihan di tano na so maraek jana na gariang.

DANIEL 2:22

Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

DANIEL 9:7

Ale Tuhan, sai tongtong denggan jana tigor do pambaenanMu, tapi anggo hami sai tongtong do mambaen tilako tu dirinami, i ma hami sude na maringanan di Juda dohot di Jerusalem maradu sude dongannami sabangso na nipaserakMu tu angka luat na dao dohot na donok hara ni na so unduk halahi tu Ho.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

PANGARATAION 28:36

Muda nada dioloi ho Tuhan Debatamunu, obanon ni Tuhan ma ho dohot rajamunu tu tano sileban, luat na so unjung diingani ho bope ompumunu. Mangoloi tu angka debata na nibaen sian hayu dohot batu ma ho disi.

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.

PANGARATAION 30:1

“Saonnari bolas ma pilionmunu pasupasu sanga bura. Muda dung tarjadi sudena i tu dirimunu, jana maringanan di tonga-tonga ni angka bangso na asing hamu di inganan parserahanmunu dibaen Tuhan, tarsingot ma hamu di sipilion na hulehen tu hamu.

PANGARATAION 32:34

Diingot Tuhan do sude, pangalaho ni musuna, Diuhumi Ia halahi, di hatiha hadenggananNa.

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

PANGARATAION 6:24

Disuru Tuhan Debatanta do hita mangoloi angka aturan i, giotNia anso tapasangap Ia. Muda tabaen na songon i, gabe tongtong ma sarihononNia bangsonta anso tongtong sonang.

PANGARATAION 8:18

Ingot hamu ma! Tuhan Debatamunu i do na mambaen mamora hamu. Patunda ni na laing setia do Ia lalu tu sadari on tu janji na nibaenNia dohot ompumunu umbaen na dipatupa Ia na songon i.