PANGARATAION 29:24 - BIBEL JAMITA NA DENGGAN

²⁴ Jadi gabe sapa-sapa ma na satano on, ‘Biasi songon i ulaning dibaen Tuhan tu tano ni halahi i? Aha do mambaen songon i jabat murukNia?’

PANGARATAION 29:24 ပူးပေါင်းရင်းမြစ်များ

2 RAJA-RAJA 17:15

Nada ra Israel dohot Juda mangoloi angka parenta ni Tuhan jana nada sintong halahi tu parjanjian na nibaenNia dohot ompu ni halahi. Nada ditangihon halahi muda digorahon Tuhan halahi, tapi marsomba tu gana-ganaan na so marguna do halahi, jadi halahi pe gabe nada marguna be. Mangihut tu tiruan ni angka bangso na humaliang i do halahi haru pe madung dilarang Tuhan.

2 RAJA-RAJA 18:12

Madabu pe Samaria, hara ni na so mangoloi do angka halak Israel tu Tuhan, Debata ni halahi, digagai halahi parjanjian na nibaen ni Tuhan dohot halahi jana dilanggar halahi sude parenta ni si Musa naposo ni Tuhan i. Nada ra halahi manangihon dohot mangoloi.

JESAYA 65:11

Tapi nada songon i anggo bagian ni angka halak na manadingkon Au, na so parduli di Sion, dolokKu na badia i, boti na marsomba tu Gad dohot Meni, i ma angka debata pardoharan dohot nasib.

JEREMIA 16:10

Muda dipabolkas ho sudena on tu halahi, sapa-sapa ma halahi sanga hara ni aha umbaen na ra Au manguhumi halahi songon i boratna. Sapa-sapa ma halahi sanga aha hasalaan dohot dosa ni halahi maradopkon Au Tuhan Debata ni halahi.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

JEREMIA 40:2

Dipiohon komandan ni tentara i ma sasada au jana didok ma, “Na dung diondam ni Tuhan Debatamu do laho mangaroncohon luat on.

JEREMIA 5:19

Tapi muda sapa-sapa halahi sanga hara ni aha umbaen na songon i Hubaen tu halahi, dokkon ma ale Jeremia tu halahi sanga songon dia panadingkon ni halahi di Au di tano ni halahi sandiri laho mangoloi angka debata na asing, laing songon i muse ma halahi gabe hatoban ni angka halak na asing di luat na leban.”

ANDUNG 4:12

Nada adong na porsaya sian tonga-tonga ni angka raja dohot halak na saportibi bahaso na bolas masuhan ni musu do angka horbangan ni kota Jerusalem.

JEHESKIEL 14:23

Jadi apulon ni halahi ma hamu, harana ligionmunu ma dalan ni halahi dohot pambaenanna, anso ditanda hamu na adong do dalanna tu Jerusalem, ninna Tuhan Debata.”

JEHESKIEL 16:59

Didok Tuhan Debata i ma, “BaenonKu ma tu ho hombar tu karejomu, dibaen madung disoadahon ho sumpamu boti dilaosi ho parjanjianKu dohot ho.

HAMALIMON 26:32

Maronco ma luatmu sude, pola tarsonggot angka musumu na marnida i hara ni bahat ni na maronco i.

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.