PANGARATAION 29:10 - BIBEL JAMITA NA DENGGAN

¹⁰ Sadari on jongjong do hamu sude di adopan ni Tuhan Debatamunu, sude pamimpin dohot parkarejo, sude halaklahi,

PANGARATAION 29:10 ပူးပေါင်းရင်းမြစ်များ

2 JUJUR TAON 20:13

Jadi laing marjongjongan ma sude angka halaklahi ni Juda i rap dohot angka dadaboruna maradu angka dakdanak ni halahi di jolo ni Bagas Ni Debata i.

2 JUJUR TAON 23:16

Dialap tahi Malim Joyada ma Raja Joas dohot rayat i mambaen parjanjian paboa na gabe bangso ni Tuhan noma halahi.

NEHEMIA 10:28

Hami rayat ni Israel, angka malim, angka halak Levi, angka panjago horbangan ni Bagas Ni Tuhan, angka parmusik dohot angka parkarejo di Bagas Ni Tuhan, maradu dadaboru dohot angka dakdanaknami na dung impas godang mangastui dohot sude halak na marpangoloion tu Uhum Ni Debata jana na dung manyirang dirina sian halak na asing na maringanan di luat on.

NEHEMIA 8:2

Jadi dioban si Esra ma buku i tu adopan ni na marlagut i, i ma angka halaklahi, dadaboru dohot angka dakdanak na impas godang laho mangastui.

NEHEMIA 9:38

Marharoroan sian sasude na masa i, mambaen parjanjian ma hami rayat Israel, parjanjian na togu jana tarsurat, dicap angka pamimpinnami, angka halak Levi dohot angka malimnami.

PANGARATAION 29:11

dadaboru dohot dakdanak, dohot sude halak sileban na maringanan di tonga-tongamunu partaba hayu dohot siporsan aek di hamu.

PANGARATAION 29:9

Jadi sai burju ma hamu antong mangoloi sude hata na sian parjanjian on anso mardohar hamu di sude na nibaenmunu.

PANGARATAION 4:10

taringot tu ari i di na jongjong hamu di adopan ni haroan ni Tuhan Debatamunu di Dolok Sinai. Didok Ia do di hatiha i tu au, ‘Palagut ma bangso i. GiotKu anso ditangihon hamu sanga aha na giot sidokkononKu, anso marsiajar halahi marpangoloion tu Au sapanjang mangolu halahi jana anso diajari halahi angka dakdanak ni halahi marpangoloion tu Au.’

JOSUA 8:35

Pasada-sada sude parenta ni si Musa na tarsurat di bagasan Buku Tona Ni Tuhan i disise si Josua tu sandok halak na marlagut disi, dohot ma disi angka dadaboru, angka dakdanak, dohot angka halak sileban na tinggal di tonga-tonga ni halak Israel.

JOSUA 9:21

Jadi, ulang dibunu halahi, tapi dumenggan ma tabaen halahi gabe partaha soban dohot angka sialap aek di hita.” Songon i ma dianjurkon angka pamimpin i.

HALUMBAAN 20:12

Jana huida ma angka halak na mate, na menek dohot na magodang rap jongjong di jolo ni habangsa i. Dibuka ma dohot angka buku, dung i dibuka muse ma sada buku na asing, i ma buku hangoluan. Jana di hatiha i ma didabu uhuman tu angka halak na dung mate, satongtang tu pambaenan ni halahi di hatiha na salpu marguru tu na tarsurat di bagasan angka buku i.

HALUMBAAN 6:15

Dung i martabuni be ma angka raja na di tano on, angka halak na godang, angka panglima ni angka parporang, angka halak na marsinadongan dohot angka na markuaso dohot angka halak na asing i, bope hatoban dohot na mardeka marmasuhan ma tu bagasan angka liang dohot tu holang-kolang ni angka batu na di dolok.

1 SAMUEL 3:21

Laing torus dope dipatidahon Tuhan i diriNa tu si Samuel di Silo, jana manghobari dohot Ia. Ganop mangkobari si Samuel, sai ditangihon bangso Israel do.

1 SAMUEL 4:1

Di hatiha i marporang ma bangso Israel mangalo halak Pilistin. Jadi gabe maju ma tentara ni Israel tu galanggang parporangan; marbandar di lambung ni Eben-Haeser ma halahi, tapi anggo tentara ni Pilistin i marbandar di Afek.