PANGARATAION 29:1 - BIBEL JAMITA NA DENGGAN

¹ On ma hata ni parjanjian na niparentahon ni Tuhan baenon ni si Musa dohot bangso Israel taran di tano Moab halahi. Songon tamba ni parjanjian na nibaen ni Tuhan dohot halahi na di Dolok Sinai do parjanjian on.

PANGARATAION 29:1 ပူးပေါင်းရင်းမြစ်များ

2 RAJA-RAJA 23:3

Dung i dibaen raja i ma parjanjian dohot Tuhan anso burju mangoloi tuSia dohot mandalankon sian sandok roha dohot sandok ate-ate sude parenta dohot angka tonaNia jana gohanna ma aturan ni parjanjian ni Tuhan dohot bangsoNa na tarsurat di bagasan buku i. Dohot do sude rayat marjanji anso burju mangoloi parjanjian i.

MASMUR 105:27

Dipatupa halahi di Mesir hahomangan, angka pambaenan na godang sian Tuhan.

JEREMIA 11:2

“Parrohahon ma angka na nipangido ni parjanjianKu. Paboa ma tu halak Juda dohot tu halak Jerusalem bahaso

JEREMIA 11:6

Dung i didok Tuhan ma tu au, “Kehe ma ho mandapotkon angka kota na di Juda dohot tu angka dalan na di Jerusalem. Palalu ma jolo tonangKon tu angka jolma na disi. Suru ma halahi mamparrohahon dohot mangoloi angka na nipangido ni parjanjianKu.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

JEREMIA 34:18

Madung mambaen parjanjian tu Au angka pangituai ni Juda dohot Jerusalem rap dohot angka pagawe ni bagas godang, angka malim dohot sandok pamimpinna. Disambol do lombu laho mangarasmihon parjanjian i, diponggol dua ma lombu i jana mamolus ma sian antara ni ponggolanna na dua i. Hape dilaosi halahi muse do parjanjian i jana nada digohi halahi angka saratna. Hara ni i baenonKu ma tu halahi songon na nibaen ni halahi tu lombu i.

HAMALIMON 26:46

Sudena i, i ma angka aturan dohot angka parenta na nilehen ni Tuhan di Dolok Sinai tu halak Israel marhite si Musa.

HAMALIMON 27:34

I ma angka parenta na nilehen ni Tuhan di ginjang ni Dolok Sinai tu halak Israel marhite si Musa.

BAENON NI ANGKA RASUL 3:25

Di hamu do angka janji ni Debata na nipabolkas ni angka panurirang i. Di bagasan parjanjian na nibaen ni Debata tu angka ompungmunu pe didok Debata do tu si Abraham songon on, ‘PasupasuonKu ma sude bangso na di tano on markite-hite pomparanmu.’

PANGARATAION 1:1

Di buku on tarsurat do angka hata na nipasahat ni si Musa tu bangso Israel dompak di halongonan na di Habincaran ni Batang aek Jordan halahi. Di Rura Jordan na di lambung ni kota Sup do halahi topet, di holang-kolang ni kota Paran di sada ipar dohot kota Tafel, Laban, Haserot dohot Di-Zahab sabariba nari. (

PANGARATAION 28:68

Tongoskonon ni Tuhan ma ho mangulahi markapal tu Mesir, haru pe na dung Hudok na so mulak be ho sanga na andigan tusi. Pagadis-gadisonmunu ma dirimunu disi gabe hatoban halaklahi dohot hatoban dadaboru tu musumunu, hape sahalak pe nada adong na manobusi.”

PANGARATAION 29:12

Sadari on marlagut do hamu sude dison laho mamudun janji na giot baenon ni Tuhan Debatamunu dohot hamu songon i muse laho manjagit angka na patut sikarejohononmunu.

PANGARATAION 29:2

Disuru si Musa ma marlagut sude halak Israel, jana didok ia ma tu halahi, “Madung diida hamu sandiri sanga aha na nibaen ni Tuhan maradopkon raja ni Mesir, angka menterina dohot tu sude luatna i.

PANGARATAION 29:21

Gabe tudosan ma i baenon ni Tuhan di sude marga ni Israel. UhumanNa ma i dohot parmaraan, hombar tu bura na didok di bagasan parjanjian songon na tarsurat di bagasan buku on, di buku pangajaran na sian Tuhan.

PANGARATAION 29:25

Jana songon on ma alusna, ‘Hara ni na marbalik do bangso ni Tuhan i sian parjanjian na nibaen ni halahi dohot Tuhan, Debata ni ompu ni halahi, di na niobanNia halahi ruar sian Mesir.

PANGARATAION 4:10

taringot tu ari i di na jongjong hamu di adopan ni haroan ni Tuhan Debatamunu di Dolok Sinai. Didok Ia do di hatiha i tu au, ‘Palagut ma bangso i. GiotKu anso ditangihon hamu sanga aha na giot sidokkononKu, anso marsiajar halahi marpangoloion tu Au sapanjang mangolu halahi jana anso diajari halahi angka dakdanak ni halahi marpangoloion tu Au.’

PANGARATAION 4:13

Disi do dipabotohon Ia tu hamu sanga aha sipatupaonmunu laho manggohi parjanjian na nibaenNia dohot hamu. Parenta na sampulu na nisuratkonNia tu batu na dua hoping i angkon oloanmunu do.

PANGARATAION 4:23

Denggan ma paingot-ingot hamu! Ulang lupa hamu di parjanjian na nibaen ni Tuhan Debatamunu dohot hamu. Oloi hamu ma parentaNia; ulang baen hamu di hamu sandiri patung na gabe sisombaon sanga na bia pe rupana,

IBRANI 8:9

Nada sarupa janji i tu janji na Hubaen dohot ompung ni halahi di na Hutogu halahi haruar sian Mesir. Nada togu ditiop halahi janji na Hubaen dohot halahi, hara ni i ma umbaen na so Hupardulihon halahi.

1 SAMUEL 12:24

Pasangap hamu ma Tuhan i jana mangoloi tuSia ma hamu di bagasan na tigor dohot sian sandok rohamunu. Ingot hamu ma angka pangalaho na godang na dung dibaen Ia di hamu.