PANGARATAION 28:8 - BIBEL JAMITA NA DENGGAN

⁸ Pasupasuon ni Tuhan ma karejomunu jana gohanna angka talobatmunu dohot gandum. PasupasuonNia ma ho di tano na giot silehenonNia di ho.

PANGARATAION 28:8 ပူးပေါင်းရင်းမြစ်များ

2 RAJA-RAJA 6:27

Dialusi raja i ma, “Anggo so Tuhan do na manolong ho bia muse ma pambaenku mangurupi ho? Nada adong di au gandum sanga aek ni anggur!

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

MASMUR 128:2

Panganonmu noma suha ni karejomu makmur jana sonang ngolumu.

MASMUR 133:3

Sanga songon ombun di Dolok Hermon, na mijur tu angka Dolok Sion. Disi ma janjihonon ni Tuhan pasupasuNa, i ma hangoluan na salolot-lolotna.

MASMUR 144:13

Sai bubung ma nian angka soponta marisi dohot sude suha ni karejonta i. Sai sinur ma angka biri-biri na tapahan di padang mamopari lopus marpulu ribu bahatna.

MASMUR 42:8

Sai dipatuduhon Tuhan ma nian holong ni rohaNa na mamanjang di hatiha torang ni ari, anso tarbaen au marende di bornginna i, jana martangiang tu Debata haroroan ni ngolungki.

MASMUR 44:4

Ho do Debatangku dohot Rajangku, na mangalehen hamonangan di si Jakob.

HAMALIMON 25:21

Di taon paonomkon pasupasuon ni Tuhan ma tano i gabe tuk panganon tolu taon suhana i.

HAMALIMON 26:10

Sabionmunu marlipat ganda, jabat tuk sataon. Pola tehe mangambungkon na lobi di sabion na salpu anso adong inganan ni suha ni sabion na baru.

HAGAI 2:19

Haru pe nada adong be anggur na tinggal, jana bona ni anggur, ara, dalimo dohot bona ni zetun nada mamutik dope, tapi mamungka saonnari pasupasuonKu ma hamu!”

MATEUS 13:30

Padiar ma songon i rap tubu simareme-eme i dohot eme i lopus tu sabion on. Anggo disi saulahon hudokkon pe tu angka na manyabi i, palagut hamu ma sude duhut-duhut. Rahuti hamu anso nitutungan. Dung i palagut hamu ma eme i anso nipasimpan tu talobat.’ ”

MATEUS 6:26

Ligi hamu ma jolo angka unggas na habang i pahae-pahulu. Nada manyabur same halahi, nada manyabi, nada adong palagutkon suha ni saba halahi tu talobat. Tapi haru pe songon i, dipahan Amangmunu na di banua ginjang i do halahi. Nada he dao dope ummarga hamu sian angka unggas i?

LUKAS 12:18

Songon on noma hubaen: Hubungkar ma sude angka gudang i jana hupajongjong ma na gumodang. Disi ma husimpan suha ni tanongki dohot sude ni artangku na asing i.

PANGARATAION 14:29

I ma panganon baen di halak Levi, angke nada adong antong tano ni halahi, songon i di halak na asing, di na so marama so marina dohot di angka na mabalu na maringanan di angka hutamunu. Tola do halahi ro dohot mambuat sandok na porlu di halahi. Muda dibaen hamu songon i gabe pasupasuon ni Tuhan Debatamunu ma hamu di sude na nikarejohonmunu.”

PANGARATAION 15:10

Lehen hamu ma tu halak i sian na nionjar ni roha dohot sian basa ni roha, jadi gabe pasupasuon ni Tuhan ma sude karejomunu.

PANGARATAION 15:4

Pasupasuon ni Tuhan Debatamunu ma hamu di tano na giot silehenonNia di hamu. Di tonga-tonga ni bangsomunu nada adong dapot be halak na pogos

PANGARATAION 28:20

Muda mambaen jahat ho jana manulak hamu di Tuhan, paroonNia ma parmaraan, hagaoron dohot hamaolon di sasude na nibaenmunu, jadi gabe abiskononna ma ho di hatiha na pendek sajo.

PANGARATAION 28:7

Muda ro musu mamorangi ho, taluhonon ni Tuhan ma halahi. Sian sada dalan do halahi ro mamorangi, tapi maporus ma halahi sian ho tu pitu dalan.