PANGARATAION 28:65 - BIBEL JAMITA NA DENGGAN

⁶⁵ Sanga na di dia pe nada adong dapot ho hasonangan, nada adong sada inganan na tardok ho songon ho puna; baenon ni Tuhan ma ho gamang sajo, nada adong arop ni roha, jana gok pandelean.

PANGARATAION 28:65 ပူးပေါင်းရင်းမြစ်များ

PAMUNGKAAN 8:9

Tapi dibaen ditutup aek i dope sude tano, nada dapot darapati i inganan hasonggopanna. Jadi gabe mangulahi ma ia ro tu kapal i, jana disurduhon si Noak ma tanganna pamasukkonsa mangulahi tu bagasan.

JOB 11:20

Tapi anggo parjahat sai balangboling panailina, hara ni na so adong pangambilingan dapotsa. Hum sada noma arop ni rohana, i ma dung dapot ujung ni ajalna.”

JESAYA 51:17

Jonggor ma, jonggor ma, ngot ma, ale Jerusalem, ale ho na dung minum sian tangan ni Tuhan. Isi ni piala i ma milas ni murukNia, ho do na dung manginum, mandorguk abis isi ni mangkuk na palenongkon i.

JESAYA 57:21

Nada adong hasonangan ni roha ni pardosa,” ninna Debatangku.

JESAYA 65:14

Marende ma halahi marjop ni roha, hape anggo hamu ngotngot tangis.

ANDUNG 1:3

Mardangol sun ma da halak Juda i, dipaksa halahi manadingkon tanona i jana gabe diparhatobani. Saonnari maringanan di tonga-tonga ni angka bangso noma halahi nada inganan na tumbuk baen parmianan di halahi. Dihobuk musu halahi jana nada margeldok be i.

ANDUNG 3:65

Burai jana padiar ma halahi di bagasan pandelean.

ANDUNG 5:17

Hara ni i gabe magopu rohanami jana hara ni i ma gabe rambon parniidaannami.

HAMALIMON 26:16

uhumonKu ma hamu. ParoonKu ma bala tu hamu, nyae dohot arun na so haubatan, gabe mapitung ma hamu jana marhancit ngolumunu. Saburonmunu ma same, tapi nada daionmunu suhana, angke angka musumunu giot ro patunduk hamu jana manyabi na nisuanmunu.

HAMALIMON 26:36

Angkon tarbuang do hamu muse tu luat na leban, baenonKu habiaran tu hamu pola tehe hum umbege sora ni bulung-bulung na niombus ni haba-haba pe gabe mabiar hamu. Gabe marlojong ma hamu songon na diayak di parporangan, martinggangan ma hamu di hatiha so adong musu humaliang hamu.

AMOS 9:4

Muda hona tangkup halahi dibaen musu, parentahononKu ma anso dibunu halahi. Madung putus rohangKu laho mangabisi halahi jana nada urupanKu halahi.”

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

MATEUS 24:8

Pamungkaan dope sudena i, songon pangkilalaan na hancit na nihilala ni ina na giot manubuhon anakna.

LUKAS 21:26

Jadi tarkatos ma jolma manusia hara ni na mabiar painte-intehon sanga aha na giot tarjadi di portibi on sude. Angke gabe humutur ma sude angka hagogoon na di langit.

SURAT NI SI PAULUS TU PARLAGUTAN ROM 11:10

Padiar ma manggolap parnidaan ni halahi anso ulang marnida be halahi; jana padiar ma puhung halahi ro di salolot-lolotna.”

PANGARATAION 28:66

Sai na mangondam ma torus parmaraan di ngolumunu. Arian na borngin sai na digohi hajorbutan ma ho jana sai tongtong ma digohi biar giot mate ngolumunu.