PANGARATAION 28:55 - BIBEL JAMITA NA DENGGAN

⁵⁵ Saotik pe nada lehenonna panganonna i di kahanggina sanga di dongan saripe haholongan ni rohana sanga di angka dakdanakna na mangolu i dope.

PANGARATAION 28:55 ပူးပေါင်းရင်းမြစ်များ

JEREMIA 19:9

Hobuhon ni musu ma kota on jana manggogo ma halahi mamunu halakna. Hara ni jebuna panghobukna i jabat marsipanganan angka jolma na di bagasan kota i, salang angka dakdanakna sandiri pe tehe panganonna.”

JEREMIA 34:2

Disuru Ia ma au kehe tu si Zedekia raja ni Juda mandok songon on, “Au Tuhan Debata ni Israel, giot pasahatonKu kota on tu raja ni Babel jana surbuonnia noma i lopus abis.

JEREMIA 5:10

SuruonKu ma musu i laho manyegohon kobun anggur ni halahi, tapi nada jabat pola mambaen buang kobun i. SuruonKu ma musu i manggotap ranting ni angka bona ni anggur ni halahi, angke nada Au antong nampuna angka rantingna i.

JEREMIA 52:6

Di tanggal sambilan bulan opat laing di bagasan taon i, dompak hajebuanna haleon potir lopus nada adong be sipanganon bagi aha di rayat i.

PANGARATAION 28:53

Di na nihobuk ni angka musumunu angka hutamunu, topet ma ho hatiha mandele hara ni na tangkuraparon, gabe papangananmunu ma angka dakdanakmunu sandiri na nibasa-basahon ni Tuhan Debata tu ho.

PANGARATAION 28:54

Salang anak na mora parroha na dumenggan pe, songon i ma arsak ni rohana salolot na hona hobuk i, lopus panganonna deba sian anakna sandiri hara ni na so adong be panganon na asing.

PANGARATAION 28:56

Salang boru ni na mora parroha na dumenggan pe jana na songon i kayo na so unjung mardalan pat sanga na tu dia, laing songon i ma baenonna. Muda dihobuk musu hutana i mandele ma ia hara ni na tangkuraparon, jadi gabe sip-sip ma ia mangankon anakna na baru sorang dohot anggi-anggina i. Saotik pe sian sipanganon i nada lehenonna tu halaklahina na nihaholongan ni rohana sanga pe sada sian anakna i.