PANGARATAION 28:54 - BIBEL JAMITA NA DENGGAN

⁵⁴ Salang anak na mora parroha na dumenggan pe, songon i ma arsak ni rohana salolot na hona hobuk i, lopus panganonna deba sian anakna sandiri hara ni na so adong be panganon na asing.

PANGARATAION 28:54 ပူးပေါင်းရင်းမြစ်များ

2 SAMUEL 12:3

hape anggo na pogos i hum sada do anak ni biri-birinia, na nitobusannia. Dipahan-pahan ia ma anak ni biri-biri i lopus magodang di bagasan bagasnia rap dohot angka dakdanaknia. Dohot do anak ni biri-biri i mangankon sian panganon ni halahi i, minum pe sian mangkuknia do, jana modom di ampuannia; dibaen ia do, songon borunia sandiri.

MASMUR 103:13

Songon asi ni roha ni ama-ama mida angka anakna do, asi ni roha ni Tuhan di angka na manghabiari Ia.

PODA 23:6

Ulang mangan iba dohot jolma na holit. Ulang muse por roha di sipanganonnia hara ni tabona.

PODA 28:22

Halak na lobo sai giot tibu mamora, nada mamoto ia na giot ro ma tompu hapogoson tusia.

JESAYA 49:15

Dialusi Tuhan, ning Ia ma, “Adong ma he lupa sada ina, di anak na nitubuhonna? Dohonon ma he na so holong rohania di anaknia sandiri? Haru pe sugari lupa ina di dakdanakna tapi Au Tuhan, tu hamu nada ra lupa.

MIKA 7:5

Ulang pos rohamu di hombar bagasmu, ulang ho marguru di ale-alemu. Jamot ho di angka hata sidokkononmu haru pe dongan saripemu sandiri na umbegesa.

MATEUS 11:8

Aha do satutuna na giot ligionmunu? Halak na marpakean na jeges do? Anggo angka na marbaju na jeges di bagas godang do i!

MATEUS 20:15

Na so tola do lakna hubaen roha-rohangku tu sinadonganku? Sanga na pis do matamu muda burju au tu halak na asing?’ ”

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,

PANGARATAION 15:9

Ulang jua hamu laho mangalehen injamon tusia, marhite alasan na dung donok taon hasesaan ni utang. Ulang paloas hamu pikiran na jahat sisongon i masuk tu bagasan rohamunu. Muda nada ra hamu mangalehen siinjamon i, pio-pio ma halakna i tu Tuhan laho mangaduhon hamu, jadi gabe dosa ma i di hamu.

PANGARATAION 28:53

Di na nihobuk ni angka musumunu angka hutamunu, topet ma ho hatiha mandele hara ni na tangkuraparon, gabe papangananmunu ma angka dakdanakmunu sandiri na nibasa-basahon ni Tuhan Debata tu ho.

PANGARATAION 28:55

Saotik pe nada lehenonna panganonna i di kahanggina sanga di dongan saripe haholongan ni rohana sanga di angka dakdanakna na mangolu i dope.