PANGARATAION 28:51 - BIBEL JAMITA NA DENGGAN

⁵¹ Pangabison ni halahi ma pahan-pahanan dohot suha ni ladangmunu. Saotik pe nada adong tadingkonon ni halahi sian gandum, aek ni anggur, miak zetun, lombu sanga hambengmunu lopus mate tangkuraparon ho.

PANGARATAION 28:51 ပူးပေါင်းရင်းမြစ်များ

2 RAJA-RAJA 25:10

Disegohon angka parangannia muse ma angka tembok ni kota i.

JESAYA 1:7

Madung disego-sego sude luat ingananmu; angka kotamunu pe madung disurbu. Laing di jolo ni matamu dibuat halak na asing tanomu lalu disego-sego sudena.

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JEREMIA 15:13

Didok Tuhan ma tu au, “TongosonKu ma musu laho maroban sinadongan dohot arta ni bangsongKu songon uhuman hara ni angka dosa na nipambaenan ni halahi di ganop inganan.

JEREMIA 17:3

dohot di angka dolok di balian ni kota. Hara ni sandok dosa na dung dipambaeni hamu di luat on sudena, baenonKu ma anso diangkat angka musumunu i sude arta dohot sinadonganmunu.

ANDUNG 4:9

Maruntungan noma mate di parporangan, sian na mate malean. Mardangol halahi boti muli-muli markancit, hara ni na so adong panganon sian ladang.

JEHESKIEL 12:19

Jana dokkon ma tu pangisi ni kota on; songon on do pandok ni Tuhan Debata taringot tu pangisi ni Jerusalem na di Israel: Angkon humitir ma halahi mangan jana manghutur laho minum anso gariang tano ni halahi angke nada adong be pangisina, hara ni hakejamon ni sude halak na tinggal disi.

JEHESKIEL 25:4

Hara ni i, padiaronKu ma hamu ditaluhon angka marga-marga ni bangso na sian halongonan Habincaran. Pajongjongon ni halahi ma angka undung-undung di tanomunu lalu tinggal disi maringanan. Papanganan ni halahi ma angka parbatu ni suan-suananmunu jana inumonna susu ni pahan-pahananmunu.

HAMALIMON 26:26

Gabe sude ma balanjomunu, jabat sampulu dadaboru mangalompa di sada tataring pamasakkon roti na adong di halahi. Dibagi dos panganon i, dung i dilehen di hamu, hape sai tongtong male hamu.

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

PANGARATAION 28:50

Kejam do baenon ni halahi jana nada mamake ibo ni roha sanga na tu ise pe, bope tu na matobang bope tu na poso.

PANGARATAION 28:52

Porangan ni halahi ma ganop kota na adong di tano na giot silehenon ni Tuhan Debatamunu i di ho; matolbak ma angka tembok ni kota na nipatogu jana na nipangasahonmunu i.