PANGARATAION 28:48 - BIBEL JAMITA NA DENGGAN

⁴⁸ Hara ni i ma gabe angkon mangoloi ho tu angka musu na giot sitongoson ni Tuhan laho mangalo ho. Tangkuraparon, manguas jana marsaemara ma ho – hurangan di sasudena. Kejam baenon ni Tuhan manyosak ho lopus abis ho.

PANGARATAION 28:48 ပူးပေါင်းရင်းမြစ်များ

1 RAJA-RAJA 8:33

“Muda talu ma halak Israel dibaen angka musuna hara ni na mardosa halahi, gabe ro halahi mangido pangurupiMu jana martangiang tu bagas parsombaan on, sian toruk ni roha mangido ampun tu Ho,

2 JUJUR TAON 12:8

kuasoan ni si Sisak do halahi, anso diboto halahi parasingan ni na mangoloi tu Au dohot na mangoloi tu angka na markuaso di portibi on.”

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JEREMIA 17:4

Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”

JEREMIA 44:22

Nada tahan be Tuhan paida-ida pangalaho dohot pambaenanmunu na jahat i; hara ni i do umbahen na gabe lobu tanomunu, nada adong na mangingani lopus sadari on.

JEREMIA 44:27

JalahanKu do dalan anso mago hamu jana nada marhasonangan lopus mate hamu sudena, bope di parporangan sanga pe hara ni nyae masa.

JEREMIA 5:19

Tapi muda sapa-sapa halahi sanga hara ni aha umbaen na songon i Hubaen tu halahi, dokkon ma ale Jeremia tu halahi sanga songon dia panadingkon ni halahi di Au di tano ni halahi sandiri laho mangoloi angka debata na asing, laing songon i muse ma halahi gabe hatoban ni angka halak na asing di luat na leban.”

ANDUNG 1:14

Dibuat Ia sude dosangku jana dibobok Ia gabe sada, dipaborgokkon Ia muse i di rungkungku, dibaen dokdokna jabat gale au. Dipasahat Tuhan do au tu musu; laho mangalo halahi nada margogo au.

ANDUNG 1:3

Mardangol sun ma da halak Juda i, dipaksa halahi manadingkon tanona i jana gabe diparhatobani. Saonnari maringanan di tonga-tonga ni angka bangso noma halahi nada inganan na tumbuk baen parmianan di halahi. Dihobuk musu halahi jana nada margeldok be i.

ANDUNG 4:4

Nada dipasusu be dakdanak na menek, gabe mate nguasan ma. Mangido mangan angka dakdanak, tapi nada adong mangalehensa.

JEHESKIEL 17:12

“Sapai ma tu angka pangalo i sanga na diastui halahi do umpama i. Palalu tu halahi bahaso na dung ro raja ni Babel tu Jerusalem, jana dioban ia raja ni Juda maradu angka halak na godang sian kota i tu Babel baen donganna.

JEHESKIEL 17:3

Anso diboto halahi na hudok: Adong ma sada unggas rajawali na godang, na jeges imbuluna, jana habongna i ginjang boti gogo. Habang ma ia tu Dolok Libanon, jana ditipulkon ia ma sada pusuk ni sada sampinur,

JEHESKIEL 17:7

Dung i adong muse ma rajawali na asing; ginjang habongna jana hapal imbuluna. Dung i, dipaadop bona ni anggur i ma angka uratna i dohot angka dangkana i tu unggas rajawali na baru ro i mardongan arop ni roha anso ra nian unggas i mangalehen tusia aek na umbahat sian na adong di ladang i.

JEHESKIEL 23:29

Dibaen goyak do roha ni halahi tu ho, rampason ni halahi ma sude suha ni halolojamu. Tadingkononna ma ho nada adong sada bonang alit di pamatangmu songon dadaboru panggampang jana gabe sitontonon ni halak na bahat. Patunda ni gintalna ma hagiotmu dohot hajorngangonmu,

MIKA 2:3

Hara ni i didok Tuhan ma, “Marsangkap do Au laho parohon parmaraan godang tu hamu, anso ulang adong na malua sian hamu. Nada tarbaen be gakgak pardalanmu angke anggo hatiha i, i ma hatiha na marmara.

MATEUS 11:29

Ihutkon hamu ma na Hudok, marsiajar ma hamu tu Au! Angke na lambok do Au jana na serep marroha, jadi togar ma tondimunu.

PANGARATAION 32:24

Marmatean ma halahi baenon ni arun dohot na malean disintak hamatean hara ni nyae sihabiaran. Marroan binatang panyoro manjomahi ulok na marbisa mambaen mangangguhi halahi.