PANGARATAION 28:4 - BIBEL JAMITA NA DENGGAN

⁴ Pasupasuon ni Tuhan ma ho, gabe bahat anakmunu, marlobian suha ni ladangmunu jana bahat lombu dohot biri-birimunu.

PANGARATAION 28:4 ပူးပေါင်းရင်းမြစ်များ

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PAMUNGKAAN 39:5

Mamungka sian hatiha i, hara ni si Josep, dipasupasu Tuhan ma halak Mesir na sabagas i dohot sude sinadongannia na di bagas sanga pe na di ladang.

PAMUNGKAAN 49:25

Debata ni amangmu ma mangurupi ho, Na Gumogo i ma mamasumasu ho marhite pasupasu sian langit na di ginjang dohot pasupasu sian aek na di toru ni tano, marhite anak dohot pahan-pahanan.

MASMUR 107:38

Dibasa-basahon Tuhan di halahi bahat anak, jana pahan-pahanan ni halahi pe sai mamopari.

MASMUR 127:3

Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

MASMUR 128:3

Dadaborumu tudos dohot bona ni anggur na ramos di bagasan bagasna. Angka dakdanakna songon tunas ni hayu zetun humaliang mejamu.

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

PODA 13:22

Halak na denggan pateankon sinadongan tu pomparanna; sinadongan ni pardosa pinda ma i tu halak na burju roha.

PODA 20:7

Maruntung do anak na marama, na jujur boti na patulus hagiot ni Debata.

HAMALIMON 26:9

Hupasupasu pe hamu jana Hulehen bahat pomparanmunu. Sude na dung Hujanjihon tu hamu, angkon patulusonKu.

PANGARATAION 28:11

Basa-basahononNa ma di ho bahat anak. Bahat ma pahan-pahananmunu jana marlobian suha ni ladangmunu di tano na nijanjihon ni Tuhan i tu ompumunu di hamu.

PANGARATAION 28:18

Buraan ni Tuhan ma ho, lopus gabe otik anak, suha ni ladang dohot lombu maradu biri-birimunu.

PANGARATAION 28:3

Pasupasuon ni Tuhan ma ho di kota dohot di ladang i.

PANGARATAION 28:5

Pasupasuon ni Tuhan ma suha ni gandummunu dohot sipanganon na nibaenmunu sian gandum i.

PANGARATAION 7:13

HaholonganNia jana pasupasuonNia ma hamu, anso mur mabahat bilanganmunu; pasupasuonNia angka ladangmunu, anso gabe haroroan ni gandum, anggur dohot miak zetun. PasupasuonNa ma hamu marhite lombu dohot biri-biri na bahat. Lehenon ni Tuhan ma sude pasupasu i tu hamu di tano na giot silehenonNia tu hamu hombar tu janjiNia dohot ompumunu.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.