PANGARATAION 28:38 - BIBEL JAMITA NA DENGGAN

³⁸ Saburkononmunu ma bahat same, hape saotik sajo do suhana dapot ho, angke papanganan ni siapor do na nisuanmunu i.

PANGARATAION 28:38 ပူးပေါင်းရင်းမြစ်များ

1 RAJA-RAJA 8:37

“Muda masa ma di luat on, haleon sanga bala, suan-suanan pe disego-sego angin na milas, wereng sanga siapor, muda diporangi musu bangsoMi sanga hona nyae,

HARURUAR 10:4

Muda laing gagaanmu, ancogot paroonKu ma siapor tu luatmon.

JESAYA 5:10

Tapi kobun anggur na nibajak di bagasan sampulu ari, hum sagunci noma suhana. Jana same na sinabur tolu pulu onom kaleng bahatna, hum santuhuk gandum noma sabionna.”

JEREMIA 12:13

Disabur bangsongKi gandum, tapi duri do sabionna. Marloja-loja halahi, hape nada marsuha karejona i. Gilap do murukKu gabe nada mandapot na nikarejohon ni halahi.

JOEL 1:4

Punguan ni siapor na so taretong bahatna, songgop di ladang mamangani suan-suananna. Sanga aha na tading dibaen punguan na sada, abis muse ma i dipangan na di pudina.

JOEL 2:25

GontionKu ma sude angka taon-taonmu, i ma angka suhana. Na dung abis dibaen siapor, siapor na sompor na pangabiskon, tantarangKu na bahat na Hulehen tu tonga-tongamunu.

JOEL 2:3

Dijolona api na manutung jana mambaen marmosohan dipudina gara ni api nada mar na mintop. Tano na dijolona songon kobun Eden, tapi dipudina songon halongonan na gariang jana nada adong na malua.

AMOS 4:9

Huombuskon alogo na milas mamatehon angka suan-suanan. Siapor na mangabiskon bona ni anggur, bona ni ara, bona ni zetun dohot suan-suanan na asing di angka kobunmunu. Haru pe songon i, laing nada mulak hamu tu Au.

MIKA 6:15

Disabur hamu gandum, tapi nada buatonmunu suhana. Ditanak hamu miak sian batu ni zetun, tapi nada buatonmunu suhana. Ditanak hamu miak sian batu ni zetun, tapi nada tarpake hamu miakna i. Diporo hamu anggur, hape nada inumonmunu.

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

HAGAI 1:9

Sai diarop rohamunu do suha ni karejomunu marlobi-lobi, hape saotik sajo do dapot hamu; dioban hamu ma i mulak, hape Huombus suha ni na dapotmunu i gabe abis dioban alogo. Biasi Hubaen songon i? Songon on do alusna: “Dibaen laing tinggal sego-segona sajo dope BagasKu, hape hamu ma pola sude marsibangun bagasna be, ninna Tuhan Na Markuaso.

MALEAKI 2:3

UhumonKu ma angka dakdanakmunu jana lapuhononKu tu bohimunu i kotoran ni pahan-pahanan na nihaulkonmunu i, jana hamu saratonKu tu ginjang ni kotoran i.

PANGARATAION 28:42

Abis ma bona ni hayu dohot suan-suananmunu panganon ni angka siapor.