PANGARATAION 28:36 - BIBEL JAMITA NA DENGGAN

³⁶ Muda nada dioloi ho Tuhan Debatamunu, obanon ni Tuhan ma ho dohot rajamunu tu tano sileban, luat na so unjung diingani ho bope ompumunu. Mangoloi tu angka debata na nibaen sian hayu dohot batu ma ho disi.

PANGARATAION 28:36 ပူးပေါင်းရင်းမြစ်များ

2 RAJA-RAJA 25:11

Dung i dioban si Nebusaradan muse ma tu Babel angka jolma na tinggal di Jerusalem, i ma teba-teba ni halak na malo dohot angka halak na dung marbalik tu pihak ni Babel.

2 RAJA-RAJA 25:21

na di Luat Hamat. Disambok ma halahi disi lalu dibunu. Songon i ma angka halak Juda i dioban sian tano ni halahi tu habuangan.

2 JUJUR TAON 33:11

Jadi diparo Tuhan ma angka panglima ni tentara Asur laho mangarampas Juda. Ditangkup ma si Manase dohot hait, dirante lalu dioban tu Babel.

2 JUJUR TAON 36:1

Dipili rayat ni Juda ma si Joahas anak ni si Josia, jana diangkat ma ia gabe raja di Jerusalem manggontihon amangnia i.

2 JUJUR TAON 36:17

Digorakkon Tuhan ma roha ni raja ni Babel anso mamorangi halahi. Dibunu raja i ma doli-doli ni halak Juda, dohot ma i na di bagasan Bagas Ni Debata. Sada halak pe nada adong na ibo rohania midasa, na matobang sanga na poso, halaklahi sanga dadaboru, na marnyae sanga na horas. Dipasahat Debata do halahi sudena tu raja ni Babel i.

2 JUJUR TAON 36:20

Rayat na malua, dioban ia tu Babel. Gabe hatobannia ma disi halahi jana hatoban ni pomparannia lopus tu hatiha ni harajaan Persia markuaso.

2 JUJUR TAON 36:6

Di na nitaluhon ni si Nebukadnesar raja ni Babel i Juda, ditangkup ia ma si Joyakim jana dioban ma ia tarrante tu Babel.

JESAYA 39:7

Sian angka pomparanmu adong ma i na giot buaton jana baenonna gabe pagawe bagas godang laho mangoloi raja ni Babel.”

JEREMIA 15:14

Giot baenonKu noma halahi gabe hatoban ni musu ni halahi di tano na asing na so ditanda ni halahi, angke madung gurgur murukKu songon api na marjimbur-jimbur jana na so ra mintop.”

JEREMIA 16:13

Hara ni i, paorotonKu noma hamu sian luat on jana buangonKu tu sada luat na asing situtu di hamu dohot di ompumunu. Anggo disi arian na borngin mangoloi tu angka debata na leban noma hamu, jana nada maribo ni roha be Au mida hamu.’ ”

JEREMIA 39:1

Di bulan sampulu taon pasambilankon si Zedekia mamarenta gabe raja ni Juda, ro ma si Nebukadnesar raja ni Babel rap dohot sude parangannia mamorangi Jerusalem.

JEREMIA 9:15

Hara ni i, tangihon hamu sanga aha na giot baenonKu, Au Tuhan Na Markuaso, Debata ni Israel na giot mangalehen suan-suanan na paet sipanganon dohot rasun siinumon.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

ANDUNG 4:20

Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

JEHESKIEL 11:9

ObanonKu noma hamu ruar sian kota i jana Hupasahat tu halak na leban. Madung Huputuskon uhuman mate tu hamu.

JEHESKIEL 20:39

Didok Tuhan Debata i ma, “Ale hamu halak Israel, saonnari saguru di hamu ma. Toruskon hamu ma mambaen dosa, marhite na marsomba gana-ganaanmunu i! Tapi ingot hamu ma, anggo dung salpu i angkon oloanmunu do Au jana ulang be pajat hamu goarKu na badia i marhite na maroban pelean tu angka gana-ganaanmunu i.

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.

PANGARATAION 29:17

Madung diida hamu angka patung sihagigian na nisomba ni halahi; angka patung na dibaen sian hayu, batu, perak dohot sere.

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

PANGARATAION 4:28

Marsomba tu angka debata na nibaen ni tangan ni jolma ma hamu disi, tu angka debata na sian hayu dohot batu, na so marnida sanga marbinege, na so tarbaen mangan sanga marnianggo.

1 SAMUEL 12:25

Tapi muda sai dipupu hamu do mambaen dosa, mago do hamu dohot rajamunu.”