PANGARATAION 28:34 - BIBEL JAMITA NA DENGGAN

³⁴ Gabe rintik ma ho hara ni parkancitanmunu i.

PANGARATAION 28:34 ပူးပေါင်းရင်းမြစ်များ

JOB 41:9

Sanga ise halak na marnida Lewiatan, gale noma i lalu pangsan.

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

JEREMIA 39:6

Laing di kota i di jolo ni matania sandiri dibunu ma angka dakdanaknia, dohot sude na sangap ni Juda dibunu muse ma.

PANGARATAION 28:28

Mago ma parningotanmunu baenon ni Tuhan; gabe mapitung ma ho jana lenong-lenong.

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

PANGARATAION 28:35

Baenon ni Tuhan ma patmunu sap baro na mangintasi boti na so ra malum; sian pat lalu tu ambubumunu sap sude baro-baroon.

PANGARATAION 28:68

Tongoskonon ni Tuhan ma ho mangulahi markapal tu Mesir, haru pe na dung Hudok na so mulak be ho sanga na andigan tusi. Pagadis-gadisonmunu ma dirimunu disi gabe hatoban halaklahi dohot hatoban dadaboru tu musumunu, hape sahalak pe nada adong na manobusi.”