PANGARATAION 28:33 - BIBEL JAMITA NA DENGGAN

³³ Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

PANGARATAION 28:33 ပူးပေါင်းရင်းမြစ်များ

JOB 20:18

Paulahonna ma sandok labona; suha ni halolojana pe nada be daionna.

JESAYA 1:7

Madung disego-sego sude luat ingananmu; angka kotamunu pe madung disurbu. Laing di jolo ni matamu dibuat halak na asing tanomu lalu disego-sego sudena.

JESAYA 42:22

Hape mangabis hona samun bangso i, tarjorat halahi, madabu martinggangan, hona tangkup halahi jana ditahan di hurungan; madung gabe talu halahi, jana nada adong na paluahon, gabe rampasan jana nada adong na mandok: ‘Paulak ma.’

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JEREMIA 4:17

jana hobuhon ni halahi ma Jerusalem songon halak na manjago ladang. Patunda ni na mangalo ma Juda maradopkon Tuhan umbaen na tarjadi sudena i. Madung didok Tuhan songon i.

JEREMIA 5:15

O hamu halak Israel, madung diparo Tuhan sada bangso sian na dao laho mamorangi hamu. Na dung adong hian do bangso i sian narobi ni narobi, nada diboto hamu hata ni halahi. Sun do gogo ni halahi,

JEREMIA 5:17

Pangabison ni halahi ma suha ni tano dohot panganonmunu jana bunuonna ma angka dakdanakmunu. Sambolon ni halahi ma angka lombu dohot pahan-pahananmunu, jana segohonon ni halahi ma angka kobun anggur dohot bona ni hayu aramunu. Roncohonon ni halahi ma angka kota na marbenteng na sai dipangasahon hamu.

JEREMIA 8:16

Madung di kota Dan musu; madung habegean parngiho-ngiho ni kudo ni halahi, jana gabe mabiar sude na saluat. Madung ro musu laho manyegohon sude tanonta, songon i dohot hutanta maradu sude halak na manginganisa.”

JEHESKIEL 25:4

Hara ni i, padiaronKu ma hamu ditaluhon angka marga-marga ni bangso na sian halongonan Habincaran. Pajongjongon ni halahi ma angka undung-undung di tanomunu lalu tinggal disi maringanan. Papanganan ni halahi ma angka parbatu ni suan-suananmunu jana inumonna susu ni pahan-pahananmunu.

HOSEA 5:11

Marhancit do Efraim binaen ni uhuman, angke sai manggogo do ia mangihutkon na so marguna.

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

HAMALIMON 26:16

uhumonKu ma hamu. ParoonKu ma bala tu hamu, nyae dohot arun na so haubatan, gabe mapitung ma hamu jana marhancit ngolumunu. Saburonmunu ma same, tapi nada daionmunu suhana, angke angka musumunu giot ro patunduk hamu jana manyabi na nisuanmunu.

PANGARATAION 28:34

Gabe rintik ma ho hara ni parkancitanmunu i.

PANGARATAION 28:51

Pangabison ni halahi ma pahan-pahanan dohot suha ni ladangmunu. Saotik pe nada adong tadingkonon ni halahi sian gandum, aek ni anggur, miak zetun, lombu sanga hambengmunu lopus mate tangkuraparon ho.

HAKIM-HAKIM 6:3

Boti muse, ganop dung sidung manyuan gandum angka partani ni Israel, marroan ma halak Midian rap dohot halak Amalek dohot angka halak na sian parhorsihan mangaroro halak Israel.

HAKIM-HAKIM 6:5

Marudut-udut marroan angka jolma i dohot unto bope kemah ni halahi sun bahatna – nada taretong hara ni bahatna. Marroan halahi manyegohon luat i,