PANGARATAION 28:31 - BIBEL JAMITA NA DENGGAN

³¹ Sambolon ma lombumunu di jolo ni matamunu, hape nada panganonmunu saotik pe sian juhutna i. Diiring ma angka halodemunu kehe dipaida-ida ho, jana nada paulahonna be i mangulahi tu ho. Parlehenon ma biri-birimunu i tu angka musumunu, hape umpe sahalak na mangurupi ho.

PANGARATAION 28:31 ပူးပေါင်းရင်းမြစ်များ

JOB 20:28

Gabe soada noma sude sinadonganna, hara ni pangayup ni muruk ni Debata.

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JEREMIA 5:17

Pangabison ni halahi ma suha ni tano dohot panganonmunu jana bunuonna ma angka dakdanakmunu. Sambolon ni halahi ma angka lombu dohot pahan-pahananmunu, jana segohonon ni halahi ma angka kobun anggur dohot bona ni hayu aramunu. Roncohonon ni halahi ma angka kota na marbenteng na sai dipangasahon hamu.

PANGARATAION 28:30

Muda nada dioloi ho Tuhan Debatamunu i, martunangan ma ho, – tapi halak na asing do mambuat tunanganmunu i. Pajongjong bagas ma ho – hape nada ingananmunu bagas i. Suananmunu ma kobun anggur – hape nada ho mangankon batu ni anggur i.

PANGARATAION 28:32

Di jolo ni matamu lehenon ma anak dohot borumu gabe hatoban tu halak sileban. Maniak ma matamunu ganop ari hara ni na manjalahi dakdanakmunu i, hape magopo do angke nada mulak be halahi.

HAKIM-HAKIM 6:1

Mardosa sanoli nari halak Israel tu Tuhan, jadi gabe dipadiar Ia ma bangso Midian mangarajai halahi pitu taon honokna.

HAKIM-HAKIM 6:4

Marbandar di luat ni Israel halahi jana diabisi halahi sude suan-suanan disi lopus tu luat di na humaliang Gasa na di Selatan. Songon i biri-biri pahanan, lombu dohot halode ni halak Israel dioban lari. Sangkibung pe nada adong ditadingkon, gabe nada adong be sanga aha panganon di halak Israel.