PANGARATAION 28:30 - BIBEL JAMITA NA DENGGAN

³⁰ Muda nada dioloi ho Tuhan Debatamunu i, martunangan ma ho, – tapi halak na asing do mambuat tunanganmunu i. Pajongjong bagas ma ho – hape nada ingananmunu bagas i. Suananmunu ma kobun anggur – hape nada ho mangankon batu ni anggur i.

PANGARATAION 28:30 ပူးပေါင်းရင်းမြစ်များ

2 SAMUEL 12:11

Husumpahon ma angkon paroonKu sori mago tu ho na ro sian tonga-tonga ni pangisi ni bagasmu sandiri. BuatonKu ma angka dadaborumu di jolo ni matamu jana lehenonKu ma i tu halak na asing na mangangkupi halahi modom di arian raya.

JOB 20:18

Paulahonna ma sandok labona; suha ni halolojana pe nada be daionna.

JOB 3:18

Songon anak buangan tarbaen ma mangkilala na sonang, malua jolo sian songgahan songon i sian aduan.

JOB 31:10

sai gabe pardahan ni halak na asing ma parsereanku; sai modom di podoman ni halaklahi na asing ma jolmangku.

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JEREMIA 12:13

Disabur bangsongKi gandum, tapi duri do sabionna. Marloja-loja halahi, hape nada marsuha karejona i. Gilap do murukKu gabe nada mandapot na nikarejohon ni halahi.

JEREMIA 6:12

Lehenon tu halak na asing noma bagas ni halahi songon i muse angka ladang dohot angka dadaboru ni halahi. UhumanKu ma halak na mangingani luat on.

JEREMIA 8:10

Patunda ni i na giot pasahatonKu noma ladang ni halahi tu tuan partano na asing, dohot angka dadaboru ni halahi tu halak na asing. Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim dohot do manggabusi halak.

ANDUNG 5:11

Angka ina-ina di Sion diparroha-roha, angka bujing-bujing dipaksa marmainan di angka huta ni Juda.

ANDUNG 5:2

Madabu tu tangan ni halak sileban do tean-teanannami, diingani halak na asing angka bagasnami.

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

MIKA 6:15

Disabur hamu gandum, tapi nada buatonmunu suhana. Ditanak hamu miak sian batu ni zetun, tapi nada buatonmunu suhana. Ditanak hamu miak sian batu ni zetun, tapi nada tarpake hamu miakna i. Diporo hamu anggur, hape nada inumonmunu.

HABAKUK 3:17

Haru pe nada marbatu bona ni ara jana bona ni anggur pe soada batuna, haru pe nada mandapot zetun di pambuatna dohot gandum di ladang nada marsuha, haru pe biri-biri marmatean sudena, jana nada marisi pahan-pahanan be barana.

ZEPANYA 1:13

Hona rampas ma sinadongan ni halahi jana roncohonon ma bagas ni halahi. Pajongjongon ni halahi ma bagas, tapi nada ingananna. Karejohonon ni halahi ma kobun anggur tapi nada inumonna anggurna.

PANGARATAION 28:31

Sambolon ma lombumunu di jolo ni matamunu, hape nada panganonmunu saotik pe sian juhutna i. Diiring ma angka halodemunu kehe dipaida-ida ho, jana nada paulahonna be i mangulahi tu ho. Parlehenon ma biri-birimunu i tu angka musumunu, hape umpe sahalak na mangurupi ho.