PANGARATAION 28:29 - BIBEL JAMITA NA DENGGAN

²⁹ Dadap-dadap ma ho di arian raya songon halak na mapitung, hape nada dapot ho dalan. Sai marpupu ma ho hona hapit jana hona rampas, jana sada halak pe nada adong na mangurupi ho.

PANGARATAION 28:29 ပူးပေါင်းရင်းမြစ်များ

PAMUNGKAAN 19:11

Dung i dipapitung halahi ma sude mata ni halak na di ruar ni bagas i lopus nada dapot angka jolma i be pintu i mangulahi.

NEHEMIA 9:37

Sude suha na dapot sian tano on, angkon pasahaton do tu angka raja ni luat on. Ho do mangangkat angka na markuaso i di bangsoMu, gabe uhuman ni dosa ni rayat i maradopkon Ho. Marroha-roha mamarenta halahi, tu hami dohot tu pahan-pahanannami. Jadi gabe marhancit hami saonnari, gok na manyosak dohot na mangarsahi!”

JOB 12:25

Gapa-gapa ma halahi di hagolapan, jana marlenongan songon na mabuk di parminuman.

JOB 5:14

Dapot manggolap halahi di tonga ari, gapa-gapa songon di golap ari.

HARURUAR 10:21

Didokkon Tuhan ma tu si Musa, “Angkat ma tanganmu tu langit, gabe golap bulita ma tano Mesir.”

JESAYA 59:10

Dadap-dadap do hami songon na mapitung, di torang ni ari pe tartuktuk hami, songon na di potang ni ari jana na juguk di na golap songon halak na mate.

JEREMIA 9:19

Tarbege ma sora ni na tangis di Sion, “Mago do hita jana dipaila. Tadingkononta ma hape tanonta, masego ma angka bagasta.”

ANDUNG 4:14

Songon halak na so marnida maot-aot di dalan tudos tusi ma da angka pamimpin ni Jerusalem. Hara ni mudar, hodar ma pakean ni halahi gabe nada adong halak na ra dais tu halahi.

ANDUNG 5:17

Hara ni i gabe magopu rohanami jana hara ni i ma gabe rambon parniidaannami.

ANDUNG 5:8

Diparenta angka hatoban noma hami nada adong na margogo palua hami sian halahi.

ZEPANYA 1:17

Didok Tuhan ma, “ParoonKu ma bahat parmaraan tu jolma manusia lopus gapa-gapa halahi songon halak na so marnida. Mardosai do halahi tu Au, jana saonnari durus noma mudar ni halahi songon aek, jana marbusuhan ma angka bangke ni halahi di tano i.”

BAENON NI ANGKA RASUL 21:24

Sugari rap kehe ma hamu mambaen upacara paias diri jana ho ma manggarar na porlu tu halahi, anso tola halahi marpangkas. Jadi muda songon i dibaen hamu, tangkas ma botoon ni halak sudena paboa na so tutu do na nibege ni halahi taringot tu ho, angke ho sandiri pe antong dipatulus ho do sanga aha na niparentahon ni Debata markite-hite si Musa.

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

PANGARATAION 28:28

Mago ma parningotanmunu baenon ni Tuhan; gabe mapitung ma ho jana lenong-lenong.

HAKIM-HAKIM 10:8

Salapan bolas taon honokna sai disosak bangso na dua i sude halak Israel na maringanan di Gilead luat ni halak Amori na di Habincaran ni Batang aek Jordan. Kejam do pambaen ni halahi tu angka halak Israel i.

HAKIM-HAKIM 13:1

Mardosa ma mangulahi halak Israel tu Tuhan, jadi gabe dipadiar Tuhan ma halak Pilistin markuaso tu halahi opat pulu taon honokna.

HAKIM-HAKIM 3:14

Salapan bolas taon honokna halak Israel tunduk tu si Eglon.