PANGARATAION 28:13 - BIBEL JAMITA NA DENGGAN

¹³ Baenon ni Tuhan ma ho gabe pamimpin di tonga-tonga ni angka bangso, jana nada gabe mangihut-ihut. Muda dioloi ho sude parenta ni Tuhan na hulehen tu ho sadari on, sai na manjadi do karejomunu jana nada jungada sundat.

PANGARATAION 28:13 ပူးပေါင်းရင်းမြစ်များ

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

JEREMIA 31:7

Didok Tuhan do, “Marende ma hamu marjop ni roha di Israel bangsongKi, bangso na gumodang sian sandok bangso do i. Endehon hamu ma ende puji-pujian. ‘Na teba sian bangsoNa madung dipalua Tuhan.’

PANGARATAION 15:6

Pasupasuon ni Tuhan ma hamu songon na nijanjihonNa i. Painjamkon hepeng ma hamu tu bahat bangso, tapi anggo hamu nada pola porlu manginjam sanga na sian ise pe; kuasoanmunu ma bahat bangso, tapi sada bangso pe nada adong na markuaso di ginjangmunu.

PANGARATAION 26:19

Baenon ni Tuhan dope hamu gumodang sian sasude bangso na asing na dung dijadihon Ia, jana pujion boti pasangaponna hamu. Gabe bangso ni Tuhan ma hamu, laing songon na nijanjihonNa i.”

PANGARATAION 28:1

“Muda dioloi ho Tuhan Debatamu, jana dihaburjuhon ho patuluskon sude parenta na hulehen tu ho di ari sadari on, jadi baenon ni Tuhan ma ho gabe bangso na gumodang sian sude bangso na asing di portibi on.

PANGARATAION 28:43

Mur markuaso ma halak sileban na maringanan di tanomunu, hape anggo kuasomunu mur tu murakna.

PANGARATAION 28:44

Marhepeng ma halahi sipainjamkononna tu ho, hape anggo ho so adong bagi na ahamunu sipainjamkononmunu tu halahi. Jana ujungna markuaso muse ma halahi tu ho.

PILIPPI 1:27

Antong parangehon hamu ma parange na tama tu Jamita Na Denggan na sian Kristus, anso muda ro au mangaligi hamu, sanga sian na dao hubege taringot tu hamu, bahaso na togu do hamu jongjong di bagasan sada tondi jana saroha laho marporang humopkop haporsayaan di Jamita Na Denggan i.