PANGARATAION 28:1 - BIBEL JAMITA NA DENGGAN

¹ “Muda dioloi ho Tuhan Debatamu, jana dihaburjuhon ho patuluskon sude parenta na hulehen tu ho di ari sadari on, jadi baenon ni Tuhan ma ho gabe bangso na gumodang sian sude bangso na asing di portibi on.

PANGARATAION 28:1 ပူးပေါင်းရင်းမြစ်များ

1 JUJUR TAON 14:2

I ma na paposkon roha ni si Daud paboa na dung dipatogu Tuhan parjuguknia gabe raja ni Israel jana marsonang-sonang harajaannia dibaen hara ni bangso ni Tuhan.

MASMUR 106:3

Martua ma sanga ise na mandalankon angka parentaNia, jana na sai tigor di angka tindakanna.

MASMUR 111:10

Biar mida Tuhan, i do mula ni habisukon; sanga ise na mangkarejohonna dapotan parbinotoan. Nipuji ma Ia salolot-lolotna!

MASMUR 119:128

Hara ni i ma umbaen na huihutkon sude sipaingotMu, jana huhagigihon dalan na sala.

MASMUR 119:6

Muda huparrohahon sude parentaMu, gabe nada jabat maila be au.

MASMUR 148:14

Madung dipargogoi Ia bangsoNia, halak Israel, hasianNia. Sude ma bangsoNia mamuji-muji Ia. Puji ma Tuhan!

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

HARURUAR 23:22

Tapi muda burju do hamu mangoloi tusia dohot patuluskon sandok na Huparentahon, sosohononKu ma musumu jana Au ma marporang mangalo sude musumunu.

HARURUAR 23:25

Muda disomba hamu Au, Tuhan Debatamunu, pasupasuonKu ma hamu pasingkop sipanganon dohot si inumonmunu, jana padaoonKu ma nyae sian hamu.

JESAYA 1:19

Muda ra hamu burju mangoloi Au, daionmunu do sandok na denggan suha ni tanomunu i.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

JEREMIA 11:4

Na dung Hubaen do parjanjianKi dohot angka ompu ni halahi di na Huoban halahi ruar sian Mesir, i ma luat na tudos tu narako di halahi. Husuru halahi marpangoloion tu Au dohot patuluskon sandok na Huparentahon tu halahi. Laing Hudok muse do, muda marpangoloion halahi tu Au, halahi ma gabe bangsongKu jana Au Debata ni halahi.

JEREMIA 12:16

Muda ra halahi manjagit ugamo ni bangsongKu sian sandok roha ni halahi jana ra manyumpahon marhite na mandok, ‘Mangasahon Tuhan na mangolu i,’ – songon na niajaran ni halahi najolo bangsongKu marsumpa mangasahon Baal jadi gabe tarmasuk ma halahi gabe bangsongKu jana gabe maduma.

JEREMIA 17:24

Oloi hamu ma sude na Huparentahon. Ulang oban hamu sanga na barang aha pe mamolus sian pintu ni horbangan ni kota on anggo di Ari Sabat. Parbadiai ma Ari Sabat i songon ari na marhasurungan. Anggo di na sadari i na so tola karejohononmunu sanga na aha pe.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

LUKAS 9:48

Dung i didok Ia ma tu halahi, “Sanga ise na manjagit dakdanak on hara ni Au, dos do i dohot na manjagit Au. Dung i, sanga ise na manjagit Au, sarupa do i na manjagit na marsuru Au muse. Angke sanga ise na ummenek sian hamu, ia do na gumodang!”

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

PANGARATAION 11:13

Antong muda songon i, sai oloi hamu ma angka parenta na hulehen tu hamu di ari sadari on, haholongi hamu ma Tuhan Debatamunu i jana oloi hamu ma Ia sian sandok rohamunu.

PANGARATAION 11:27

Dipasupasu ma hamu muda dioloi hamu angka parenta ni Tuhan Debatamunu na hulehen di hamu di ari sadari on,

PANGARATAION 15:5

asalkon ma ra hamu mangoloi Tuhan jana jamot patuluskon sandok na huparentahon tu hamu di ari sadari on.

PANGARATAION 26:18

Madung dijagit Tuhan hamu sadari on gabe bangsoNia sandiri, songon na nijanjihonNa i tu hamu, jana diparentahon Ia tu hamu anso oloanmunu sandok aturanNia i.

PANGARATAION 26:19

Baenon ni Tuhan dope hamu gumodang sian sasude bangso na asing na dung dijadihon Ia, jana pujion boti pasangaponna hamu. Gabe bangso ni Tuhan ma hamu, laing songon na nijanjihonNa i.”

PANGARATAION 28:13

Baenon ni Tuhan ma ho gabe pamimpin di tonga-tonga ni angka bangso, jana nada gabe mangihut-ihut. Muda dioloi ho sude parenta ni Tuhan na hulehen tu ho sadari on, sai na manjadi do karejomunu jana nada jungada sundat.