PANGARATAION 27:19 - BIBEL JAMITA NA DENGGAN

¹⁹ ‘Bura ni Debata ma di halak na mangarampas hak ni halak sileban, dakdanak na so marama so marina dohot na mabalu.’ Dung i sude ma bangso i mandok: ‘I ma tutu!’

PANGARATAION 27:19 ပူးပေါင်းရင်းမြစ်များ

HARURUAR 23:2

Ulang dohot-dohotan hamu di halak na bahat anggo na mambaen na sala do halahi sanga na mandok hasaksian na paegolkon na tigor.

PODA 17:23

Parkuaso na mangeldok, manjagit hepeng sogok di sihabunian; hara ni i gabe nada mardalan hatigoran.

PODA 31:5

Angke muda lalap minum, lupa ma ia di uhum na tigor, gabe dipaegol ma uhum tu halak na dangol.

HAMALIMON 19:33

Tu halak na leban na maringanan di luatmu, ulang baen tu halahi na so pade.

MIKA 3:9

Tangihon hamu ma angka hatangkon, ale hamu angka parkuaso ni Israel na magigi mida hatigoran jana na pabalik-balikkon na tutu.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

PANGARATAION 10:18

Dibela Ia do hak ni na tinggal menek dohot na mabalu, anso dibaen tu halahi uhum na tigor; dihaholongi Ia do halak na asing na tinggal rap dohot hita jana dilehen Ia pakean dohot sipanganon di halahi.

PANGARATAION 24:17

Ulang rampas hamu hak ni halak sileban dohot dakdanak na so marama, jana ulang buat hamu gabe jaminan pakean ni sada halak na mabalu hara ni na manginjam bagi aha ia.