PANGARATAION 26:7 - BIBEL JAMITA NA DENGGAN

⁷ Dung i pio-pio ma hami mangido tolong tu Tuhan Debata ni ompunta i. Ditangihon Ia do pio-pionta i jana diida Ia do pardangolanta hasusaan dohot sitaononta i.

PANGARATAION 26:7 ပူးပေါင်းရင်းမြစ်များ

PAMUNGKAAN 21:17

Dibege Debata ma sora ni tangis ni si Ismael i jana ro ma sora ni surusuruan ni Debata sian langit mandok hata tu si Hagar, ninna ma, “Aha dehe na niarsakkonmu Hagar? Ulang ho mabiar, madung dibege Debata tangis ni anakmi.

PAMUNGKAAN 29:32

Denggan ma pamatang ni si Lea, jadi sorang ma sada anaknia halaklahi. Ning ia ma, “Ditatap Tuhan do hape hasusaanku, jana haholongan ni halaklahingku noma au.” Jadi dibaen ia ma goar ni anaknia i, si Ruben.

2 SAMUEL 16:12

Betak na parrohahonon ni Tuhan do pardangolankon jana pasupasuonNia au gonti ni bura i.”

MASMUR 119:132

Manaili ma Ho tu au jana ibo ma rohaMu di au, songon panghasianiMu di halak na nihaholonganMu.

MASMUR 31:8

Nada dipadiar Ho au ditangkup musungku, tapi dijagohon Ho do au gabe sonang.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

HARURUAR 2:23

Dung sanga piga-piga taon honokna, raja Mesir i pe mate ma. Tapi anggo halak Israel tongtong do marhoi-hoi hara ni na diparhatoban, pola tehe gogo sora ni halahi mangido tolong. Lalu ma angguk-angguk ni halahi tu Debata.

HARURUAR 2:25

Diida Ia do halak Israel diparhatoban, gabe diparate-atehon Ia ma bagian ni halahi.

HARURUAR 3:9

Madung Hubege tangis ni bangsongKi jana madung Huida sanga songon dia halahi diparkanciti halak Mesir.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

HARURUAR 6:5

Madung Hubege angguk ni halak Israel, na niparhatoban ni halak Mesir i, jana gabe taringot Au tu janjingKi.

JEREMIA 33:2

na manjadihon tano dohot na manompa jana na mamayakkonsa di hapayahanna. Didok Ia,

1 SAMUEL 9:16

“Ancogot manyogot tarsongonon arina, suruonKu do sahalak sian Marga Benyamin mandapotkon ho. Miahi ma ia gabe raja di bangsongKu Israel. Paluaonnia ma bangsongKi sian halak Pilistin. Madung Huida sitaonon ni bangsongKu jana madung Hubege partangis ni halahi mangido tolong.”